عندما يمر صديق لك بضروف قاهره
ولم تستطع المساعده
عندهاااا تفيض القريحه بما قد يهوّن عليك الكربه...........
وين انت يالصّاحب المفقود = مشتاق انا وانت مشتاقي
نبي ليا هفهفنّ النود = بطعوس يجْمعن الارفاقي
في جو يبعد عن الملهود = ضيقٍ تمكّن بالاعماقي
ونجمّع العود فوق العود = للنار..وش عاد به باقي
ماغير صَفّراً بهاره عود = تروا..ويرْونْ به ارماقي
في جلسةٍ مابها منقود = نقطف من الهرج مالاقي
ياصاحبي والليال السود = يجلى سواده بالاشراقي
والآدمي مرجعه للدود = ماتم ماكان به شاقي
ترا العمر للفتى محدود = ماهو بيشرى بالاسواقي
والدرب وانكان لك مسدود = ماحمّل السّاق ينساقي
والمهتوي لو بذل مجهود = مقسوم رزقه بالاوفاقي
ياصاحبي وقتنا به زود = شيٍ يشيّب بي احداقي
واليوم لو صادفنك خود = في لبسهن يالله الواقي
تهتال من شاربٍ مقيود = في غفْوته مابعد فاقي
لو زاد ماله يزيد صدود = وان قلتله قال انا راقي
ماهمّه الا..نهار يسود = في شِيخة ريال واوراقي
ماحسّب لقيّمين لحود = يوم يتساونّ الاعناقي
يالله اعذنا من الممرود = في وقت ماعاد ينطاقي
هذا من الخاطر الملهود = مما تمكن من اعماقي
عبدالله بن سالم الضبعان
الخاطر الملهووووود 
العرض العادي
