سلام ياشيخ ٍ يطيب الفخر فيه=اعداد نجم ٍ بان في كل ليله
سلام من قلب يوده ويغليه=سلام ياصل له على أسرع وسيله
الشيخ أبو فواز مأدري شسميه =شيخ الفخر وإلا زعيم القبيله
اسمه ينومس كل من جاء يطرّيه=وشوفه يزيد الفخر ما حد ٍ مثيله
من ماضي التاريخ كل ٍ يحييه=حيث إن شخصه كاسب ٍ للجميله
الطيب عنده زايد ٍ من يجاريه=ماشوف مثله معتلي بالطويله
باب الكرم مفتوح وهذي مباديه=الجود طبعه والمكارم حصيله
وكل النشاما للفخر دون تنزيه=لكنّ أبـو فـواز ذكـره دلـيله
يملك خيار الذود مأحد ٍ يضاهيه=إبل ٍ مغاتير ٍ سمان ٍ ثـقـيله
جابت له النخبه تحانا وتهديه=وتقول مثلك يستحق الجزيله
يستاهل العليا وتسلم مساعيه=راع الكرم والجود مزبن دخيله
وياسامع ٍ صوتي ترى العلم تنبيه=وصل بيوت الشعر لو هي قليله
قل له سطع نجم الجدي من يوازيه=تساقطي يانجوم محد ٍ عديله
وصلاة ربي عد من قام يدعيه=واعداد ماهل المزن من هميله
على نبي ٍ كل مسلم يزكيه=شفيعنا في موقف ٍ نحتسيله