مريت بالديره و انا ماشي و في حكـم الغريـب=ما كن يربطني بهـا رابـط و لا فيهـا اصدقـا
بعد خذتني غربتـي عنهـا و طوّلـت المغيـب=ماني بعارف من رحل منهـا و مـن فيهـا بقـا
كنّا نعيـش بمجتمـع كـلٍ مـن الثانـي قريـب=الصبح يجمعنا اللقـا و العصـر يجمعنـا اللقـا
و بيوتنا جدران طين و سقفها عود و عسيـب=و رغم تواضع عيشنـا نملـك طمـوح الارتقـا
ما انساك يادرب السواني و المحالـه و القليـب=و لا انساك يـادرسٍ خذيتـه بالمكـارم و التقـا
و دارت مقادير الزمن و ابعد صحيبٍ عن صحيب=و الوقت هذه عادته يخلـف هقـاوي مـن هقـا
تفرقت فينا السبـل كـلٍ ورى طـرد النصيـب=اللي بقا بالمستوى و اللـي نـزل و اللـي رقـا
ياوقت ياوقت الشقا حكمك على العالـم صعيـب=ما ترحم اصحاب النوايا البيض ياوقـت الشقـا
كني سمعت ان الزمـن علـى تساؤلنـا يجيـب=ماحـل فـي دنيـا الفنـا راحـل و لله البـقـا