,,, طــعـــنـــت الـــقــلــب,, [][][]
وين إنت غايب وهالغيبات ما أطولها
معقول !! تنسى قريبينك وأحبابك
ما أخبر في دنيتك أشياء تشغلها
إلا أنا وبعض من جمعك وأقرابك
لاقلت لي ذي كبيرة قلت إزهلها
أروض الصعب كان الصعب هلابك
وإن جاء منك زلة أدمح وأتحملها
واليوم جالت رسايل بإيد كتابّك
إن كان في خاطرك أشياء لي قلها
أرجوك قلي إذا إن الحزن ينتابك
حبيبي الروح تكفى لاتهملها
كثرت مقابيل من حبك على بابك
ترا المودة ضما بالحب فللها
وأنا بقلبي مودة حيل تضمابك
صورتك دايم تجيني وأتأملها
ياحلو شوفك وصدري ضاق بعتابك
وين إنت هالأغنية فيك أتخيلها
وين إنت غايب ؟؟ طعنت القلب بغيابك
الشاعر / عمر الأسمر البنتان
,,, طــعـــنـــت الـــقــلــب,, [][][] 
العرض العادي
