هذا الموضوع بــادره ليست مستغربه من سيدالابداع كله الأستاذ أجا1980
أتحفنا بهذه الفكره الجميله وجعلنا نتجول ونغوص في أعماق بحار شعرائنا الكبار ونستمتع برؤية دررهم النادره
كما إنني أشكر الاستاذ الشاعر الكبير محمدالنعام على ماقدمه من جهد واضح
وامتناني للأخ الشاعر الفاضل سالم الصالح الذي أعطاني أكبر من حجمي بترشيحه لي
ويشهدالله انني لاأستحق هذا الوسام الذي منحتموني إياه ولاأستحق أن يسجل اسمي في هذه الاوراق مع شعراء وشعارات كبار
هنا أبدأ معكم وارجوا قبول اوراقي المتواضعه
انا الفتاة اللي على الكتف شالت = هـم ٍ كبير وزوّد الوقت كيــّــه
تمشي ولامره عن الدرب مـالت = ولاسارت بدرب الخطـا والرديــّــه
والدمعه اللي فوق الاوجــان ســالت = مـاله سوا الاســلام هم وقضيــّــه
ماذا يعني الشعر بحياتك اليوميه ؟
هو صاحبي لاغــابوا الناس عني = جاني وشـــال اللي بصدري من الهـم
آخــــــذ وهو يــاخذ على طول مني = وان جــــــا فبــالي وقــّــف وقـالي سـَـم
لامن توسـّـع جرح قلبي بصدري = زهمت حرفي وانتخيت القصيـده
واحيـانا ابياتي على طـول تطري = خـص ٍّ إلى من مر ليلي وحيـده
والله انــي مااذكر اول مــاكتبت = كــــم سنه مرت على نظم الشعر
بس اخبر اني على أمي صعبت = من الفرح مانمت لي حول الشهر
مطلع قصيده قريبه من قلبك ؟
صبري قضا واوجاعي كبار وكثار = والحظ عاثر والحياة الحزينه
انـــا رضيت اللي حصل كله اقدار = لاشــك عـــانيت الجروح الدفينه
لي عـــالمن كله غرابيــل واكدار = حظي ردي وزادت علي الغبينــــه
المشكله في موطني دار الاحـــرار = وكني غريبن مـــاتحمل حنينــه
حتى الزمن حـوّل عن اوضاعه ودار = عـزّ الذليل واهل المعزه يهينه
مطلع قصيده احتفظت بها سرا ؟
بشهر الصيام اللي يصفـّـد به ابليس = قررت ابطلق للمواجع شراعي
في ليلة الجمعه غزتني كوابيس = جتني كوابيس ٍ وانا كنت واعي
من عقبها هلـّت دموعن محابيس = واعلنت لآمالي وفرحي وداعي
اكتب بيتين شعر 00 عن ماذا يعني لك الآتي :
في حضنك القى راحت الكون كله = وروحي عسى روحي يايمه فداياك
والله لاضحي لجلك العمر والله = همي رضـاك وجنتـي تحت مـاطـاك
هذا الوطن وشلون توفيه الاشعار = وصعبه أعبر عنه بالوصف بيتين
يالله عسى تحميه من كيد الاشرار = وتحفظ هله واللي على ارضه مقيمين
خاويت ليلي لين يطلع نهاره = بين الدفاتر والقصايد والاحلام
من شافني ظن الوظيفه خفاره = حارس امن لتالي الليل مانام
بنيت لاحلامي قصور وعماره = واصبحت وكل اللي بنيته من اوهام
بيني وبينه رفقتن مستديمه = لو هي بعيده روحها جنب روحي
وقتن مضى والذكريات القديمه = بغيابها زادت علي الجروحي
صحبة خوات ٍ والعلاقه حميمه = اسمع نداها وتفهم اسباب نوحي
لو افترقنا في ضميري مقيمه = يبقى غلاها لوتغيب وتروحي
يامعلمي كيف الحروف إتــّـواسـا = وكيف السطور يكون له حكي واصوات
فضفض ترى الاحساس زاد إحتباسا = واكتب ولاتجعل لحرفك نهايات
وابليس لوحاول يحيك التباسا = سـكـِّـر عليه الباب باذكار وآيات
أكتب وخلك يالقلم باحتراسـا = يفنى العمر واللي كتبناه مامات
صعبن سؤالك ياأجا يالسنــافي = على الذي ماجرب الحب كله
بعض العرب حبه شريفن وصافي = ودرب الهوى لمصافح الخل دلــّّـه
وبعض العرب دور طبيب ومشافي = من زود حبه جاه ستين علــّـه
والا أنـا مــالي حدود ومـرافي = ومحدن نزع قلبي ولاحدن يـدلــه
ياللي تغزل بك من الحب شعـّـار = ياللي بنورك تسجن الفين دمعه
بلــِّغ هذاك اللي له شهور مـازار = وقله أنا اللي منتظر منه جمعه
وان جيتني ماجبتلي علم واخبار = شبيت في قلبي من الوجد شمعه
مطلع قصيده ندمت على كتابتها ؟
مــاللندم عندي مكان ومساحات = ولاني من اللي مــايوازن كـلامه
مـازل ّ حرفي ولاتعدا المسافات = اقدر ابياتي واعرف التزامه
أصونهن مثل البنات العفيفات = واحرص عليهن لاتجيهن ملامه
وان جا اللزوم أطلقتهن للملمات = في سـكـِّتن مابه عليهن نــدامـه
يالله ياللي لك نصوم ونصلي = يالواحد المعبود قهار ستار
يالله ياللي للمشاكل تحلي = ياراحم ٍ خلقك وللذنب غفار
افرج لمن دمعه على الخد هلــّي =فرج همومه والمآسي والاكدار
اختر عضو من (شعراء حايل نت) واهدي له بيتين من شعرك
إهــداء للشــاعر المبدع / ســالم الصــالح
إليه اهدي قصيدي يابريدي شيل مضمونه = تجمل بالوصوف وعطر الابيات من شانه
لجل سالم كتبت اللي من التقدير موزونه = كبير المنزله عندي عظيم وعالي ٍ شانه
مدح شعري وانا شعري قصير المرتبه دونه = ولابه شي يستاهل يرشحني علشـانه
يكفيني شرف لو هو لمحها بس بعيـونه = حروف ٍ صاغها قلبي من اللوعات وأحزانه
قصيده من نظمي أهديها (لقسم الشعر والقوافي)
هذه القصيده أهديها لـ (حايل نت) ولإدارته ومراقبيه ومشرفيه وأعضاءه وزواره
ياعين كفي فايضـات العبــاير = كل شي كـِتبه الله لنا خير في خير
يــاظلم شفته في جميع الدواير = ضميرهم ميـِّـت ولافيه تقدير
من الضحى لتـالي اليوم داير = أدوّر لدعواي شرح وتفاسير
ومن التعب قلبي من الهم صاير = قصر ٍ من الاحزان ان جاز تعبير
ضقت وحزنت وخاطري صار حاير = وسلمتها لرب القدر والتدابير
وجاني الفرج على جناحين طاير = مسك يدي وللنت قال اعجلي السير
للمنتدى اللي باني ٍ له عماير = من الكرم والعطف واللطف والخير
لعز الوطن دايم على الدرب ساير = وله كلمتن تمشي على الكل وتصير
يفتح يدينه لاغدا الوقت جاير = ويصوِّر الواقع لنا خير تصوير
واعضاءه اللي من جميع العشاير = إخوه ويد وحده لها كل تأثير
ياعين كـُفـّي فايضات العباير = أنا "بحــايل نت" في منبع الخيــر
اتمنى أن أكون قدمت شئ يرضي ذائقتكم الشعريه
أما عن الاختيار والترشيح فأنا أرشح الشاعر القــدير / ظــــل الســحــاب
