السلام عليكم
اخواني واخواتي رواد هذا المنتدى الشامخ حايل نت الذي اعتز به كثيراً
مسائكم / صباحكم
بهي كروعة حضوركم واطلاتكم
شرفني اخي اجاء بدعوتي لا اضع ورقتي بجانب اوراق اخواني الشعراء والشاعرات الاعزاء
كل الشكر لك اخي اجاء و اخواني المشرفين ولا ادارة هذا المنتدى
//
//
من أنت ؟
انا اخو موضي تشهد لنا الجان=والأنس وجباله في وسط حايل
معروف في أرضه على مر الأزمان = وبرزان واعيرف تعطي دلايل
لاتهت انشدها عن ابن سبهان=تلقى بها تاريخ ينطق جمايل
ماذا يعني الشعر بحياتك اليوميه ؟
لاصارت الدنيا هواجيس وهموم=وكثرت مصايبها وعكر مزاجي
اغوص في بحره ولانيب اعوم=واجيب مايمكن يرد ابتهاجي
متى تكتب القصيده ؟
لاضاقت الدنيا وكثرت حزوني=احاول اني افرجه في قصيدي
اجر لي صوتن يهز الركوني=لين اسمع صداها بأذني تعيدي
مطلع أول قصيده نظمتها ؟
علمن لفاني شايلن اسهم الضيق=ساعة سمعته صابني منه ارتجافي
قالوا اخوك اللي على الطيب ماعيق=حطوا عليه الخام والله ضافي
وشالوه بعد العصر بعض المطاليق=يم حفرتن دفينها مايشافي
ياكود يوم الحشر مع المخاليق=يومن تحيا الناس والكل حافي
مطلع قصيده قريبة من قلبك ؟
ارجيك تغفر له خطاياه بالدار = وتجعل له الجنه لبويه بديله
يارازق النمله تحت صم الأحجا ر= تحت الصفا دوم(ن) رزقه يجيله
لاهي من تقطع مسافات وابحار= ضعيفت(ن) تدبي ولا له وسيله
مطلع من قصيده احتفظت بها (سراً)
اكسفت حايل وغدا الصمت عنوان =حتى الجبال الصم صاحت بحايل
سألتها وقالت من اعوام بإحزان=ولاظنتي جرحي مع الوقت زايل
•الأم
الأم من دونه لو مت مليون=احيا و اموت لأجله مليون مره
وللحق جزاها والكل يدرون=اللي معي بوقتي بحلوه ومره
هي باب للجنة والخلق يدرون=الله لا يحرمني فيها المبره
•الوطن
الوطن ماهو هويه وعنوان=نمشي عليه ولا نثمن ترابه
نعطيه ويعطينا على مر الازمان=والخافي اعظم شايفه من ربى به
اقولها ما ارجي من كاين كان=عسى المطر ماهو ياقف سحابه
•سهر
السهر لاصار مع رجالن نشامى =في مجلسن طيبه تشمه على بعد
يسوى سهر باريس لو في خيامى=كلن على ماقيل في نظرته سعد
•الصديق
افرح اليا جاني واضيق اليا راح=هو الذي لاضقت ضمد جروحي
ملجاي انا دايم بإحزان وافراح =هو راس مالي ومنوتي مثل روحي
•القلم :
القلم خويي ليا صرت ضايق =يرسخ افكاري على بيض الاوراق
•الحبيبـ / ـه
لاشفتها عشقي تناسيت الامرار = وتبدد احزاني ويضحك حجاجي
ومن دونها الدنيا تنعاف الاعمار = ولاظنتي تسوى رذاذ الزجاجي
عساك تحفضها مثل راعي الغار = يارب يا محصي كثير العجاجي
•القمر
يطمن(ن) لاشفت نور(ن) ضوا به=اللي شبيه صويحبي دوم اناجيه
طال الفراق وزاد قلبي عذابه=عزيل من مثلي فقد شوف غاليه
مطلع من قصيده ندمت على كتابتها ؟
ارجوا العذر منكم يااهل الطيب=لاتبحثون الخافيه في سنيني
خلوه مدفونن بين المعاطيب=والوقت لا بده يبيح كنيني
مطلع من قصيده تحت الانشاء ؟
من غيره اللي له الناس تحتاج=محيي العظام اللي دفنها العجاجي
اللي بأمره يركد البحر لاهاج =وبقدرته بالبحر حلو وهماجي
أختر عضوء من (من شعراء حائل نت) وأهدي له بيتين من شعرك ؟
لكل شاعر جته مني هديه=اخواني اللي عزيزن وكرام
اهدي لكم القاف مع الشاذليه= تستاهلون الخير ياعيال الأكرام
انتم اخواني يا أهل الحميه = ياللي لكم تاريخ نارن على اعلام
ولا هانوا الباقين عز وبقيه=ذخرن لنا اخوان وعيال اعمام
نختم هذا اللقاء باتحافنا بقصيده من نظمك تهديها (لقسم الشعروالقوافي)
يانجم يا ساطعن بوضوح=ينشاف بالليل بوضوحي
شعاع نوره طبيب جروح= للي بها الوقت مجروحي
بابه لنا دايمن مفتوح= نرفع به الصوت ونبوحي
فاتح لنا صدره بلا مصلوح= تشكي لها الناس وتروحي
وضوح نوره يتل الروح =يخلي الناس بتبوحي
العمي شافه بكل وضوح=والصم منه غدت توحي
حايل نت دوا المجروح=ومن يطلب العلم لايروحي
انا اشهد انه غدا ممنوح = تاج الصداره معه روحي
اقول من وين انا ما اروح =حنا لغيره فلا نروحي
انا اشهد انه نجم ممدوح=في كل مايطرح نصوحي
العرض العادي
