انا من حمّله همّه وحمْله فوق ماينطاق = انا العبد الذليل لمبصرٍ يبصربي مصابي
انالله سِقت خطاي وانا بالله ساق الساق = و(انا) واعوذ به لاقلتها ماني به منابي
خذيت من العبر لين الخروج بحملهابه ضاق = واشوف اني على سحْم الليال اتخبخب ثيابي

الشعر يطويلي مسافات ودروب = وانا أعنّه لاشتعل بي خيالي
الشعر وصْل احلام واحساس وقلوب = يفوح لاستاقد به الجاش صالي
نثر المشاعر لانثنى عود رعبوب = مرٍّ يميل بغَيّ وامرار سالي

للقصيد ازمان بالي يقبَلَه = واغلب الاحيان ماليبه هوى
اجمع الجزلات واحت سبَلَه = واكل عذوق النخيل بلا نوى
واصعد المرقاب في راس جبَلَه = واستجيب لذيب جوفي لاعوى

لاواهني من ونّ في راس مشراف = وبيّح خوافي بالضماير يكنّه
أون ونّاتٍ ثقيلات وعجاف = واهل دمعٍ بالحشا عذبنّه
غديت مثل الذيب بالليل حواف = من عقب ماسود الليالي حدنه
اقنب على روس المشاريف ماخاف = وش عاد لو سود الليالي قسنه

الليل ياتي عقبه الليل ثم ليل = ويتوه من هام الضلام وسرابه
واللي بلا ربع ونشاما مشاكيل = عزّيل حاله ياعويل الذّيابه
وان عوّدت لمناهش ذهوبي الحِيِل = انا احمد الله لابتي خير لابه
ربعي هل الطولات خزّامة العيل = ياتاج راسي مسندي ياعصابه

نواف قلّي وش بلا الناس للناس = يوم العلوم الطيّبه هزّها ريح
عندي علومٍ ياخوي تصدع الراس = يم الرفيق اللي بدا منْه تجريح
خلّك مكانك..واحمس البن بقياس = اجيك لامنّه تبيّن لها ريح
فنجالك اللي خابره يطرد عماس = عن راس من ضاقة عليه المساريح

انثنا للقاف حرفي يوم جيته مستثير = والحروف امّا انثنتلك ثايره ولا بلا
لا ذكرت امي ذكرت الفيّ ياحرّ الهجير= لاذكرت امي عرفت اشقيمته قولة هلا
لو اقول انه بقلبي..يمكن يجيله خشير = لا حشا ماهي بقلبي..كلي اسعابه غلا
يوم اوصّف ويش اوصّف جاتك العبره تحير = لاجفول ولا هجيج ونوّخت قبل تعلا

عز الوطن دم الشهيد اندفق له = وش عاد له منا سوى الدم نفديه
حِجْرٍ حضنا بين طفلٍ وكهله = لابارك الله من يخون العهد فيه

لي بالسهر منزال واشب ضوّي = واوقد من اهجوسي للافكار غمْرَه
ياما على جاله لمع فيه نوّي = يشبح نظيري والمعاليق جمْره

ياطير بالله ريّح شوي وتشيل = رد السلام لصاحبٍ مانمله
وقله سلامك فوّح البنّ والهيل = في جاش من سوّى من الشوق دله
وحنا على خبرك نسوق الفناجيل = في مجلسٍ يزها بشرواك حله

الله لو انه للاقلام ارواح = ان كان ماسرّيت..للناس مفضوح
نزف المشاعر في ثناياه ينساح = ويبيّح سدودك ولو باح مسموح

حبيبي يوم يسألني عن اللي = اشوفه في حلاياه ووصوفه؟
اشوف اللي يهلي بي واهللي = الى شفته..عذابي يوم اشوفه

بدرٍ لمع في موجة السيف ضوّه = هيّض خفوق اللي بالاشواق ضامي
من يوم شفته شعّ واكْتفّ نوّه = ايقنت بان الزين بدره تمامي

من لاتمثّل ماحسب للندامه = ماهو محسّب لادمس الليل مسراه
وانا احمد الله لاذكرت النعامه = يوم الشراري بالتمني تمناه
قاله يبي مايلحقه في كلامه = منقود يلقابه هل النم باقفاه

شام القصيد بهاجسي وانتشابه = راسٍ على بدع المثايل مضرّا
تغطلست لينه تراكم سحابه = ثم قام يقدح بارق القاف بالرّا
ياموثّقين المحتوى بالكتابه = خوذوا صحيح العلم ماهو يعرّا
جيت القصيد لشاربٍ يعتزابه = ماجيت اطرّي شاربٍ مايطرّا

مدري من اللي باعذب القيل ابهديه = كلٍ له بقلبي معزّه ومقدار
لكنّ..من يقرا قصيدي فهو فيه = مني له العرفان والشكر مدرار

الحب لو يبقى للادنين ميراث = انكان حبيلك توارثْه الاجيال
ويعيش لازارع ولاهو بحراث = يقطف ثمرْه ولاكواه اشهب اللال
ياهيه لو اني بالاحساس عباث = ماجيتلك همٍ على حاجرك سال
جيتك وانا ماني للاموات نكاث = جيتك من الرمضا وادوربك ضلال
انا بلاي ان الجفا صار نفاث = في عقدة وصالك واعيذه ولازال
لو للوصل روح وتواليه الابعاث = استغفر الله يمكن انك به اتسال
مير البقا للحي والموت جثاث = والشوق يبقى للمحبين همال
والسيل لو انه عقب سيله خباث = لابد مانشرب زلاله ولو طال
لكن ابيك لنفسك تصير حثاث = لاتامرك بالسّوّ فيني وتغتال
ولاتستمع فيني عواذيل وخباث = لاجوك في حالٍ والى راحوا بحال
ارجع مدامي في بقاياك شباث = من قبل لايعْرَق حنيني وتنسال
وان جيتني قسّمت مرْباعك اثلاث = لك بالعيون اثنين والخافق الثال
خلك هنا..وهناك..وهنَيّ..مكاث = مابينها واختال..رحال..نزال