الشعر له مبـدا ومعنـى وتاويـل=ومعانيه على اكثر الناس صعبـات
اجيد بدعـه ياطلـب منـي القيـل=ولاقول انا الشاعر من الناس بالذات

اكتب قصيدي عند حـزة لزومـه=وقصيدةٍ من دون معنى ماهي شي
اكتب وراجع للقصيـدة عمومـه=عن بيت يكتب بالقصيده وهو سي

واوجودي وجد من طاح بالغبه=غبة الامواج تقبل به وتقفيبـه
سبة اللي منزله من وراء الخبه=غيرها من جملت البيض ماليبه

فل الشعر واقهر جميلات الاوصافي=ياللي على وصفك تحلا الوصايف
دام الجدايل روسهن فوق الارداف=ماظنتي من ملعب البيض خايـف

الشيب قرب مابالايدين حيله=اشوف له بالراس وصلوا مناديب
والكل يدله مع زمانه وجيله=ولياختلف ماعاش به صابه الريب

الام هي ساس الحنان الطبيعـي=الله يثبتنا على الحـق ورضـاه
صبره علي وانا صغيراً رضيعي=وبعد الكبر تطلب لي الوفق بدعاه

للناس تمييز الهويـة بالاوطـان=وشخصٍ بدون اوطان سموه لاجي
وانا بلادي به للاسـلام عنـوان=من لاذبه عن كل الاشرار ناجـي

اسهر ياصار القلب بالهم مشطـون=لو بالسهـر تظهـر نتايـج ندامـه
لكن اتكل ثم احتسب واطلب العـون=من اللي عطاء موسى صحايح كلامه

صديقي اللي واثقاً في نوايـاه=وفعله على معنى الثقه لي دليلي
ياصار له لازم على طول شلناه=و لظروفنا هو للاوازم يشيلـي

الله يخاطب للقلم شـي ماكـود=اكتب اليا يومـاً تقـوم القيامـه
بكتب القلم جميع مخلوق مرصود=ويفهم كلامي كامليـن الفهامـه

الحب بين الناس مثـل الامانـه=ومن خان للاعهاد خايب وملعون
من خان ماشاني يلايـم لشانـه=اقفي ولو قلبي بلامـاه مفتـون

عز الله ان البر يطربـك ممشـاه=في ليلةٍ ضـوء القمـر صاطعنبـه
في ديرةٍ هي غاية القلـب ومنـاه=ولاتشوف من حولك من المدن لنبه

انا اشهداً جمـع العروبـه مهانـا=من الحاكم المسئول ليا راع الاغنام
ستين عـامٍ بالصفـوف امتحانـا=ياما غدينا بيـن عدواننـا اقسـام

سكنت في بيت الشعر عدة اعوام= وخذيت من درس البداوة شهـاده
شهادةٍ بالمجـد تلزمنـي اللـزام =وللشاب من درسه صحيح استفاده

من ضامراً يشبه بالاوصاف هداج=في بدع نظم القيل ماهو يضيـع
اهديت بيتينٍ جديـدات الانتـاج=للشاعر المعروف بابن السريـع

تحميرة البرطم للاشناب بـه عيـب=والبيض يزهاهن تشاكيـل الاوراس
الورس في سلم العـرب للرعابيـب=والا الرجل كماله العقـل وحسـاس
ياحيف ياخطوا الولد بالوهم صيـب=متشبهن بالبيـض حتـى بالالبـاس
من قل اللي يعطيه نصحـاً وتاديـب=وقال المثل قبل البنا جـود السـاس
والعقل نعمه مـن كبـار المواهيـب=والا الجهل راعيه يرجـع للافـلاس
النفس دربها على المجـد تدريـب=واترك طريق الضايع الناقص الهاس
اليا اتجه للشـرق وجـه مغاريـب=وخل النظر مرفوع لايطمن الـراس
واحذرطريق الشك واحذرمن الريب=مال الرجل في مجلس الشك مجلاس
الر جل له مبـدا رفيـع المواجيب=وتر المجال بكلمة الرجل حساس

الشعر زاد الروح واحساس راقي=
=احتاجله في كل يوم ودقيقه
دونه نحس ايامنا ماتطاقي=
=نعشق خياله عن عذاب الحقيقه

الشعر عندي مايجي بالمواعيد=
=كذا يجي من دون تحديد ميعاد
يجي بوقتن كنها ليلة العيد=
=ويروح وجروح المحبين تزداد

يامركب الاحزان وين انت داوي=
=اليا متى مرساك مابان سيفه

الليل يسرقني عن العالم هناك=
=والبرد غاوي والمشاعر عرايا
والريح تصحى كل مانام شباك=
=والناس نامت والسهر في سمايا
جوي غريب وعالمي ورد واشواك=
=حتى الخطايا تعتذر عن خطايا

كوتني الدنيا وان توني شاب=
=شربت مره ياخساره شبابي
ودعت حلمي يوم نور القمر غاب=
=باول ليال العمر حظي ثوابي

امي وتضحكلي زهور الخزاما=
=فيك انتهى كل الغلا ياعظيمه
الناس في فقدك تسمى يتاما=
=وجفاك في حكم الخطايا جريمه

هذا ولا يالايمي لاتحني=
=وحب الوطن يحتاج مني حقايق
هذا بلادي لوغرامه سكني=
=اقول سجل بالور والوثايق

السهر ضيفي وانا من معازيبه=
=ياهلا وان حل بعيون محبوبه
اعشقه لاطول الشعربالغيبه=
=واتتبع خطوته واعشق ادروبه

قالو صديق وقلت ياهي صداقه=
=ياكثر مابار الصديق بصديقه
خل الصداقه في حدود العلاقه=
=مافيه داعي للجروح العميقه

هذا خويي كل ماهود الليل =
=ياكثر ماجاوب حنين المشاعر
يرسم معي كل الصور والتفاصيل=
=دايم على حمل مجمل وصابر

هي ملهمة شاعر سرق حرف الباب=
=هي من عطتني للسوال الجوابي
هي شمعتي لاصدو الناس الاقراب=
=احمل معه همه وتحمل صوابي

القمر يبدو للاحباب اجمل مايكون=
=غير نوره فيه ميزه عن نجوم السما
كل ماضاقت بي الارض لديت العيون=
=يم ضوه يجلي الهم عني ربما

يمكن نسيت السالفه بعد ماغبت=
=واليوم جابك وال الاقدار ياهيه
انا على ظني بكم وانت ماتبت=
=واليوم بعض الناس ماني مداريه
لاقول عن سره للاجواد وابت=
=هذا خطاك ولاتسوق المشاريه

البارحه غربة بلاد وعناوين=
=وهمٍ يعرضني للصوت الربابه
اقسم هواجيسي على واحد اثنين=
=وحيد مابين القلق ةالكتابه

صاحبي نايف لقيته على ظني=
=طيّب النيه ومن ناس غاليني
قلت بهدي لابيض الوجه من فني=
=لان له قدره ولاطاح من عيني

ارجهن ياقلب وش عاد خلانك مشو=
=سافرولاعاد ترجي من المقفي رجوع
ركبو الصالون عجلين والدنيا صحو=
=اتركونا دون توديع والمكسب دموع
الموادع بس نظرات من عين الحلو =
=يوم شعره غازل الشمس واختار السطوع
شدواللي لونه امتاااع من لون المرو =
=ابيضٍ من نوع جكسار جبارٍ بتوع
يملكك باحساس الا زعاج وازعاجه هدو=
=يسرقك من عتمة الليل لانوار الشموع
قمت اراعيهم وانا اقول ياقلبي غدو =
=كسرو عوج المهاديف بالسيف القطوع
طفلةٍ في مشيته طيش واخلاق وزهو =
=سهم عينه هد قلبي وانا لابس دروع
ليتهم من قبل يمشون للعاشق حكو =
=كلمةٍ يرضابها قلب دام اني قنوع
ليه ياللي فيك الازهار غنولك شدو =
=اسمع اسمك بالحدايق يردونه جموع
شوق قلبي شوق شيبان لايام البدو =
=وشوق قلبي شوق قسيس في شوف اليسوع
ليتهم قبل المشاوير في حائل لهو =
=وجنبوني فقد محبوب واحساسٍ يروع
ليتهم للبعد والهجر ماكانو سعو =
=مااحترق قلبي من البعد ماماتت زروع
والله انك يادوى القلب بافعالك عدو =
=ليش ماقدرت الاخطار من قبل الوقوع
ليت مثل اللي عطيناه ياقلبي عطو =
=حطموني حسبي الله والفرقا تلوع
بس ياقلبي من اليوم خلانك غدو =
=لاتدور شي مفقووووود وتحلم بالرجوع