شعري خليّه من خلايا اللي خَلَقْهَا الله معي=يعني بدون الشعر أحس انّي خَلَيّ من الشعور
والشعر يسكن في منارات العيون ومسمعي=كأنه الْ(سمعي) صدى ولمقلة العينين نور
ماهو بيومي لكن أنّه هاجس ودايم معي=رفيقي اللي لو تبور الناس فيني مايبور

كل ماهب نسناس الغلا=وهزّت اغصان قلبي نَسْمِتَه
وامطر العشق والقلب امتلى= من مزون الحبيب وبَسْمِتَه
جادلن مترفٍ كلّه حلا=هو ربيع الخفوق وقِسْمِتَه

كسرت قلبي بالسفر والمشاوير= لحظة لقى بعدين لحظة وداعي
يامْعَذِبِيْ مالك شبيهٍ سوى الطير = لحظة نزوله تنعقب بارتفاعي

ألا يالله يالفرد الصمد حنّان يامنّان=إلهي/ ملتجى العبد الضعيف وطارد احزانه

سادت الشيعه وضاعت ياسعود السنّه=والعمايم صارت تنافس هل الشرقيّه

في هالحياه وبَعْدَهَا ماغيرك انتي خالده=في قلبي /وفي فكري /وفي عنيي /ومَسْكَنْكِ روح
حتى وانا في هالعمر أشوفني يالوالده=فعيونك الطفل الصغير اللي إذا غبتي ينوح
يمّه وانا في غيبتك حيٍّ زمانه جالده= تشوحه ايام الزمان القاسيه بالكف شوح

ياوطن كيف اوَصّفْ لك غلاك=وأنت أكبر من حروف القصايد
انت من غيرك الدنيا هلاك=وانت متجددٍ حبّك وزايد
هاك روحي وخذها من فداك=وعَلّقْ العمر في جيدك قلايد

السهر رافق عيوني وانا حبيته=صار لي مثل الشقيق من ابُويَهْ وامي
رغم تجريحه لعيني فلا مليته=شِلْت انا همّه وهو شال عنّي همي
السهر خاوى عيوني وانا خاويته=صرت له عرقٍ وهو صار كنّه دمي

وش قيمة الدنيا إذا ماكن لي فيها صديق= صديق في وقت الشدايد ماهو ابـْ(صاحب) رخا
ألقاه لاخانت بي الأيام ولْ(يا) جَفْ ريق=يبل ريقي من ينابيعه ،عطا،جود،وسخا
ماهو رفيقٍ بالرخا يغيب لا من عشت ضيق= لو صحت له مايسمع اللي صاح له واللي نخا

لي معك رحله خياليه من سنين الطفوله= وانت في هذا الزمان اسلاح وحكاية مراتب
البطوله فيك وانت المكسب وأنت البطوله=وانت لو لا عِشْرِتَكْ ما صرت انا قاري وكاتب

حبيبتي مهما تغيبين عني=تبقين لو طوّل غيابك حبيبه
هذا قدرنا غصب ياخذك مني=واللي خذاه الوقت ليته يجيبه
في غِيْبِتِك ياراحة الروح كنّي=عزيز قوم وطاح له في مصيبه

أنت الوحيد اللي تِعَرْف اسرار خَلْقٍ عاشقه=وانت الوحيد اللي بسرّ أهل المودّه ماتبوح

الفرق مابين الدها والفقاسه=كالفرق مابين العمى والبصيرين
الغرب بارع في علوم ودِرَاسه= وحنّا بَرَعْنَا في سباق المزايين
خليج غارق بالطرب والوناسه=واوضاعنا صارت جُمَل بين قوسين
البشت ضايع بين دُفّه وكاسه= ويغض عَنْهْ الطرف مِسْتَشْيِخْ الدين

حبيبي قلت راجع بس اشوف امطوّل الغيبه= وانا اللي عشت فرحه من سِمَعْتَكْ تطري الجيّه
أنا مليت بُعْدَكْ والزمن ناظر مضاريبه=هِنَا بين الضلوع وفي نواحي روحي الحيّه

سلامٍ من قلبٍ على الودّ ضاري=أهديه انا لابن السريّع محمد
اللي على طاريه شبيت ناري=لاَ مَرّ له طاري جروحي تضمّد

قلبٍ لِبَسْ ثوب الوفا ما يخونك=وشلون وانت احلام عمري والامال
مقعول اكمّل رحلة العمر دونك=هذا الكلام اهبال بهبال بهبال
تبي تعذب ياحبيبي بهونك= وانا معك مرتاح في كل الاحوال
أطعن وتزهر بالضماير طعونك=هذي ورود الجرح بالجسم تختال
ناظر على جسمي تمايل غصونك=لاَهَزّهَا ريح الغلا عَوْدَهَا مال
متغيّرٍ من ضيقة البال لونك= لاَ بَيّض الله وَجْهَهَا ضيقة البال
يفضح وجع قلبك سحايب عيونك= حاولت تخفيها وكحل الهدب سال
اللي نزل واللي جلس في جفونك=يحكي وِجَع ،وجروح روح، وعنا حال
كم قلت لك لاَيَاخِذِنّك ظنونك= من حال ترمي بك شِكَوْكَك على حال