...
.
.

قالو تكرم قدم الاسم يافلان= قلت الاسم بين ومعروف ماجد
انسان مسلم وعـتنق خير الاديان=واحفظ حقوق الله وله دوم ساجد

- : ماذا يعني الشعر بحياتك اليوميه ؟

الشعر عندي شعور يجسد احساسي=يأتي كذا من خفوقي وابدع بنظمه
وقدمه عقد لولو يحوي الماسي=وارسمه لوحة جميلة تبعث البسمه

القصيده مالها وقت مخصوص = وقت ما تطري على بالي تجي
ولا لفتني انتقى عذب النصوص= واشرح الموقف وبين منهجي

حبك تمكن داخل القلب يازين=ارجوك تكفى ارحمه من عذابك

بؤرة عيوني ياهوى القلب تختال= من يوم نورك ماسقط في بصرها
وحتى اشبكية عيني اليوم تهتال = من هالجمال اللي بزينه سحرها

- : مطلع من قصيده احتفظت بها (سراً)

قالت الوه وقلت مرحب ولبيه = ياناعمة هالصوت لا باس لاباس

يمه حشى لله ما زعلك يوم= ياغلا بشر بالكون يانور عيني
انتي هنا في خافقي ساكنه دوم=وعنّك بربي ما اشح بسنيني

كلنا نفدي وطنا وناقف بوجه الخصيم = ما نخونك ياوطنا يشهد الرب الخبير
دام عزك ياوطن بالحق والشرع القويم = ومن يخونك ياوطنا يخذل ويرجع كسير

* سهر

ضاف السهريازين عيني ولانمت = من عقب ماصديت واصبحت غايب
واصبحت انا وياه رفقه وسلمت= واستقبلته العين كاغلا الحبايب

* الصديقــ / ـه

لا حشى بالله ماخون الصديق =ولا يحس بظيم مادامه معي
صاحبي ماودي بلحظه يضيق = وينه الواشي يحس ويسمعي

ياقلم اكتب هنا اجمل احساس وشعور=والحبر خله يفوح داخل الصفحه عطر
واسم خلي ياقلم ميزة بين السطور= واذا حبرك ماكفى خذلك من دمي حبر

* الحبيبـ / ـه

حبيبي يسألني بثقه وش كثر بالله تحبني = قلت المحبه يالغلا فوق التصور باكملَه
والله ياأغلا بشر مافيه غيرك شدني = وان كان شاهد لك تبي فهذا قلبي وسألَه

ياقمرة الليل بسهر معك واشكيلك=واكشف لك اسرار وسط القلب مخفيها
وانظم لك ابيات من شعري وغنيلك =مالي بغيرك تسليني وسليها

فكري نزيه ولاتحسف على شي= لاني شريف ولا اروم الرديه
وطبعي كريم ولي ظميرٍ هنا حي = ولاخذت من طبع النذاله هويه

ياصباحٍ يسعدك ياحلى قمر = وياصباح النور ويانور الصباح

: أختر عضوء من (من شعراء حائل نت) وأهدي له بيتين من شعرك ؟
الاهداء للغالي..... زياد الضويلي

يازياد انا افخر ياعشيري بلقياك = ومشاهدتك اليوم هي راس مالي
وافخر بمدحك يارفيقي وطرياك = ياللي ملكت الطيب باول وتالي

- : نختم هذا اللقاء باتحافنا بقصيده من نظمك تهديها (لقسم الشعروالقوافي)

بؤرة عيوني ياهوى القلب تختال =من يوم نورك ما سقط في بصرها
وحتى اشبكية عيني اليوم تهتال = من ها لجمال اللي بزينه سحرها
واعصاب مخي جاوبتني على الحال =مافيه مثلك ياحبيـبي عـــبرها
وصارت خلا ياالمخ تبعث بك ارسال= والمركز الأبصارتوصل خبرها
من شان تبقى صورتك دوم بالبال= والعين تسعد فيك كاجمل صورها
و جيت المخيخ وقال منك الشرف نال= وصورتك من عنده لقلبي حدرها
وقلبي تلقاهاوغنى بموال = واجمل زهوره يوم شافك نثرها
وبعدك عروق القلب عنها الضما زال=مثل الجذور اليا ارتوت من مطرها
وشريان قلبي من وصالك ترى سال=واسقى أعضاء قبل شوفك هجرها
كنه شعيبٍ أنسكب عقب المحال = واروى بطون الأرض وأسقى شجرها
والكبد قبلك سيئه بكل الأحوال=ما تهتني في زادها من قهرها
ومن شوفتك صارت تراها عال العال=وانا احمد الله زال عنهاكدرها
يعني الحقيقه واختصارات الأقوال = انك عديل الروح وايضاً قدرها
وان كان ودك زود في سرد الأمثال=اللي تبين طلتك وش أثرها
اعضاء حسي وقفت لأجلك اجلال= وصاغة مشاعرها ولحدٍ جبرها
غصبٍ مشاعرها لك اليوم تنهال = لأن بصراحه كل مابك بهرها
وهزيتني هزه كما هز زلزال =مقياس ريختر لو جظر مختبرها
وخذت لك في داخل الجسم تجوال =وشفت الفرح وشلون روحي غمرها
واحييت فيني سيدي كل الآمال = وعالجة نفسي من غثى اللي كسرها
ونحت لك في قلبي اليوم تمثال=واصبحت في عيني تمثل قمرها
هذا الذي سويت ياسيد الأزوال= وشلون بترك جنتك يا ثمرها
والله حقيقه قلتها مابها أجدال =مافيه غيرك تل روحي واسرها
وهذي القصيده تاصف الوضع والحال= وبنات فكري تعلن أنك فخرها
بحسب التخصص ماني اليوم محتال =نظمت انا ابياتي وهذا بحرها