اعـرفـكم عـلى إسـمي أنا اللي للغـلا مـشــتـاق= أنا اللي كثرة هـمومه توفـت عـمره الفاني
أناشخص ٍ لجل خله من اصناف البـلاوي ذاق=وانا اللي لابغيت افرح ألاقي جملة احزاني

الشعر يعني لي مشاوير الاشواق = اللي على درب المشاعر طريقه
يبدي لغيري ماخفى وسط الاعماق=متباين ٍ بين الخيال وحقيقه

اكتب قصيدي لاطرى لي على البال=الصاحب اللي له زمانين ماشيف
واكتب قصيد ٍ به جزيلات الامثال= امدح به اللي يكرم الجار والضيف

يامل قلب ٍ مالقى من يخاويه=خلوه خلانه وحيد ٍ يعاني
قلبٍ حزين ٍ والشقى عايشٍ فيه=عايش حياته مابها اية معاني

يقول ابن عكروش مضمون ماقال=قاف ٍ ثمين ٍ ماتهيا مثيله
من يسمعه يلقى غزيرات الامثال=ابيات شعر ٍ بالمعاني جزيله
أنظم قوافي كنها بحر الاهوال=وموجه يشادي شامخات الطويله
ياهل القوافي جاكم القاف يختال=دليل للي ضاع منه الدليله

قلت القصيده ماأبي جونا سكوت=لاتواخذيني لو بديت بقصيده
لكن بودي صمتنا الواضح يفوت=وسكوتنا يسكن ديار ٍ بعيده

يمه يابعد كل الخلايق ياظنى حالي=خيالك ساكن ٍ ذاتي يصبحني ويمسيني
يمه يابداياتي وآخر دنية آمالي=بدونك ماعرفت النوم وهمومي تباريني

حنا بوطن أمنه على كل جالي=وبين الدول حزنا مكانه عليّه
منهاجنا واحد ولاله بدالي=منهج كتاب الله وسنة نبيّه

أسهر وانا اللي تالي الليل محتار=وشلون تتركني وحيد ٍ لحالي
من لوعة الفرقا تجرعت الامرار=وانا الشقى مالي عليه احتمالي

صديقي اللي منزله داخل الروح=ماهزته سود الليال المعاسير
اذا بداله زلت ٍ قال مسموح=وان حل وقت الجد ضمن المناعير

خذ ياقلم صافي ضميري وخطه=خل البشر تقرا خفايا ضميري
دام الهواجس داخلي مستشطه=لا لا توانا ياقلم بالمسيري

كان الحبيب اللي على البال ناسيك=خله ولايهمك توالي بقاياه
ترى البشر واجد ولاتعيد ماضيك=وارفع مقامك عن دنايا سواياه

لايا قمر ياللي على الناس ضويت=ماشفت خلي يوم تضوي دياره
ذاك الذي إليا ذكره تمنيت=اني أشوفه أو يجيني زياره

مااندم على شي ٍ سطرته بالاقلام=لن القصيد اللي اقوله تعابير
بين الحقيقه وبين تصوير الاحلام=ابدي مثايل واضحات التصاوير

على ارض الخشوع اللي بها نبت الخضوع يبين=سجد عبد ٍضعيفٍ ياإلهي يطلب الغفران

إهدي جميلات القوافي والامثال=للي على العليا تناظر عيونه
يمكن مره لكن عن الفين رجال=بالمنتدى دايم تهامل مزونه

فرحت فؤادي شوفتك يوم تضحك=بالمبسم اللي زاهيات ٍ وصوفه
يافرحة سنيني عسى دوم فرحك=لا يابعد ناسن حياته حسوفه
امزح مدامه يشرح البال مزحك=واشرق بعمري بدد ايام خوفه
ارجوك شيد بالمعاليق صرحك=خله على حدب المحاني وقوفه
تشدني ياشوق حتى بسرحك=إليا سهيت بنظرة ٍ تاااه شوفه
منظر صراحه زود وصوف ملحك=والقلب نسناس المشاعر يحوفه
اجرح يابخت اللي تولاه جرحك=ولا يصيبك من طعوني مروفه
ولاعاد تبدي لي مواثيق صلحك =يكفي مواثيق اليدين وكفوفه
وان كان تنصحني عن الشوق نصحك = زود لواهيب الغرام الشغوفه
الله يحفظك من صواديف ردحك =ويرعاك من غدر الزمان وسيوفه
ماقلت لك افرح اذا صرت تضحك=بالمبسم اللي عذب العين شوفه