كذا،فجأه رَحَلْتي مَاحَسَبْتِـي لَزْعَلَـي ورضـاي=وانا عمري أسامي وانت فوق الكـل متسامـي
وانا اللي قلت لعيونك هنا (شطّي )وذا (مرساي)=وتوقعتك معاي وطـول عمـر الحُـب قدامـي
ومن هَلّتْ علي مزنة وداعك(وانبتـت بلـواي)=وانا من يومها مالي( شُغُلْ)غيـر احصـد الامـي
(صباحي ضيق)(والليل الثقيل) اصبح نديم ابكـاي=وسحاب الدمع في صدر الورق من (ديمةاقلامـي )
وانا مافات منّي ياوجع عمـري شبيـه الجـاي=أببدا فيك عامي مـن شقايـه واختتـم عامـي
وربي من (رَحَلْتِي)(ضاعت الخطوه)(وتاه الـراي)=ماغير امشي على درب الضياع ومِرْهِقْ اقدامـي
على جَمْره مشيت ولو يسولف لك عَنِه ماطـاي=سَقَطْ صمت الكلام وكل حرفٍ لاَ نِزَ ل دامـي
رحلتي من فضاي وصرت انا الظامي ووجهك ماي=وتعبت اركض وراك وشحّ ماك بشفّـة الظامـي
وهجير الصيف يدمغ هامتي حرّه واسوق اخطـاي=(أدوّر ظل) في صحرا الجفاف وكلّـت اعظامـي
هنا،كان المطيح/ودمعة الفرقى/ وصـوت النـاي=هنا،(الواقع يموت )وسَلْوِتِي في (كذبة احلامـي)
هنا ضيّعت دَلْوي،وانقطع حبلـي ،وِزَلّ ارشـاي=هنا، قلت لعيونك عن عذابات السهـر (نامـي)
هنا صوت الشتات /ايْعَزّي اطرافي (بفَقْد اعضاي)=هنا،(المرمي غلاي)وكانت ايدين (الزمن رامـي)
هنا،(والصبر ذايب) ذوبةالسكر(بكاسـة شـاي)=هنا،(والحزن ثوبٍ) به كِمَـلْ ترتيـب هندامـي
هنا،(ضعتي وِضِعْت)وماتلا قى غير فَرْح اعـداي=هنا،مابَهْ (بلح)أهل اليمن وَلاَ (العنـب شامـي)
هنا،ابغى اصرخ واقول اني دِ فَنْتَكْ(عِشْق يَانَسَّاي)=وهنا(بَبْكِيْـكْ ميّت)والمصيببـه (قَبْـرَك ايامـي)
هنا مات الشعور وطاح نجمك وانتهـى مسـراي=وعليك اخر دموعي تندفن فـي تربـة اوهامـي