إن كنت تنشد يالمسيكـي .. عـن الحـال=مالي علـى .. كتمانهـا عنـك .. حيلـه
الصبر عـن بـوح الاحاسيـس .. قتـال=والبوح فـي بعـض المواقـف ، فشيلـه
لـو كـل مايطـري علـى البـال ينقـال=ماكـان شفـت ان الثقيلـه .... ثقيـلـه
ابطيـت اكافـح ضيقـة البـال بالـبـال=وادفـع بـلا .. هاجوسهـا كـل .. ليلـه
ليـن اقبلـت مثـل .. السحابـه بهمـال=تشفـي غليـل اللـي .. تزايـد غليـلـه
طاحت ، ولاْوفـق مـن حنايـاك منـزال=وابطلبـك .. يابـدر ( تكمـى ) المخيلـه
مابـي .. تناقلهـا هـل القيـل والـقـال=وتصير مـن بعـد القصيـره .. طويلـه
يابدر .. ماني عال .. لـو صحتـي عـال=شفنـي مـن الصدمـات نفسـي عليلـه
اشيـل حمـلٍ .. لـو يشيلنـه .. جبـال=الله ، وامانـه .. غيـر تصبـح نثيـلـه
أرمي .. من هموم الزمن .. واسحب أدبال=وانزل عن ( الجوكـر ) وغيـري يشيلـه
من كثـر ماشفـت بحياتـي مـن انـذال=بديـت اشـك ان النـذالـه ... فضيـلـه
ماطاح من عيني رجل ..!! طاحوا .. رجال=ورجال ( يابـن حنيـف ) ماهـي قليلـه
اقـرب مـن اللـي قالهـم ضمـن ماقـال=راكـان بـن حثليـن .. راعـي الجزيلـه
( هذا .. ولد عمٍ ، وهـذا .. ولـد خـال=وهـذا .. رفيـقٍ مالقيـنـا .. بديـلـه )
سبحـان منهـو يابـد غـيّـر الـحـال=وحـط الجفـا بيـن الخليـل .. وخليلـه
هـذا الزمـن يبغـالـه .. لـسـان دلاّل=من يستحـي هالوقـت .. واعزتـي لـه
وقتٍ به ( الراعي ) غدى .. راعي .. ادلال=كـلٍ علـى طاريـه .. ينفـض شليـلـه
ومن كان ساسه للـردى مضـرب امثـال=اليـوم .. يحسـب مـن كبـار القبيـلـه
المال .. يابن حنيف ملعون .. ابو المـال=. ذل العزيز .. وعز .. ناسٍ ذليلـه ...!!

أي بالله أنشـد .. واشغـل بصاحبـي بـال=وأفزع اليامـن .. مـال حملـه .. وأشيلـه
عـزم ( المسيكـي ) يكسـر قيـود وأغــلال=حمله علـى حمـل الخـوي يرتكيلـه
معـك .. معـك ..قـدام .. قـدام.. لا طـال=خوة رخـا .. لـي نفـس عنهـا .. جليلـه
يـا صـوت ( فدعانـي ) لقـا القلـب مدهـال=رزم البـرد ..صـداه ... عقـب المخيـلـه
يا لب .. فكر الشعـر .. وعيـون الأمثـال=يـا ماركـة .. شعـر البـيـوت الجزيـلـه
مـا والله (أكماهـا ) وهـي خيـل تخـتـال=من ويـن .. مـا بحـرّت شفـت الكحيلـه
في وقت معـك ريـال تسـوى لـك ريـال=حتـى البشـر .. معهـا التعـامـل يبيـلـه
ومـا يضحـك الجهـال .. يغضـب لعقـال=والغّـل .. نـاره مـا تطفـيـه .. غيـلـه
" سراب " جت .. ترتع .. بمرعى " لعـلال "=ومنهـا البنـاخـي دك حيـلـه .. بحيـلـه
لا طال ضيقـك .. وانقطـع بـث الإرسـال=إدخـل علـى الله .. لا تضيـع الأصيـلـه
إدحم .. ولا يخلفـك .. نمـرود .. وزمـال=والـغـل نـــاره ماتطـفـيـه غـيـلـه
العاقـل .. يكيّـف مـع الحـال .. الأحـوال=لو .. شاف من ياخذ ..مـن العلـم .. ذيلـه
والربح .. مامن ربح .. وأسلم علـى المـال=" بقريـح ".. سـوق مروجيـن .. الهزيلـه
العيب .. وجه الرجـل لاجـاك .. صلصـال=كل ..يوم له .. غايه .. وشكـل .. ووسيلـه
مـا ظنتـي يخفـاك قـوول " ابـن هـذال "=غادي .. النهار .. شلـون .. يلقـا دليلـه
هذا .. زمـن ابنـه امـل .. تاجـد ضـلال=لو شفتـه .. ( منّيـل .. بستيـن .. نيلـه)
الميـل .. بوابـه علـى قطـع.. الأمـيـال=والململـه .. مـا تكفـي أضـرار .. ميلـه
المشكله ماهو نذل .. يـا ( خلـف ) حـاال=النـذل .. تحتاطـه .. وتقـطـع سبيـلـه
المـوت .. غـدرة طيّـب ٍ جـاك .. ختـال=وانـت .. تتوقـع .. غدرتـه .. مستحيلـه
يا ليت .. عن الطيب .. بالناس .. مشخـال=لأجـل اصيـل الطيـب .. ينكـر .. دخيلـه
ذا عصر الأسهم .. فرسته .. مال .. وأعمال=من يبكي أطلاااله ... فيا .. طـول .. ليلـه
يا ابن .. محمد .. قبل .. مشعان .. ينقـال=فوارق الدم .. الحمـر ... بالفصيلـه ..!!
أكبح .. جماح .. الفصل .. والأصل .. طربال=أضحـك .. لا شفـت الدايـره .. مستطيلـه
دام العـوافـي ضافـيـه وأنــت فـعّـأل=فـي مجتمـع .. يكيـل طيـب .. وتكيـلـه
هـذي غنـاة النفـس ملعـون أبـو المـال=لا حـرّص البطحـا .. علـى الخنشليـلـه ..!!