القاف له ذوق وادب.قطف وجنا.اما يجي ورد وزهر.والا يعيب ويستعاب=ماكل من قام وقعد.حظه يقوم يقول محد(ن)يسمعه.لو قال قيل
الوقت ورانا العجب.هدّ وبنا.مع دورته عام وشهر.ودّا وجاب=والعمر يجري في عدد.اتلاه يوم.والادمي مايمنعه.يوم النهايه والرحيل
مافيه شي بلا سبب.راح ودنا.ماطال شي ولا قصر.الا مسجل في كتاب=ربك يتمم ياوعد.وامر محسوم.يحيي حياة ويقطعه.مابين حط وبين شيل
زرع النجاح من التعب.كدّ وهنا.اللي حصد قبله بذر.واحتق مالذ ّ وطاب=واكيد من جد وجد.غير محروم.يحصد حصيل المزرعه.والمزرعه فيها الحصيل
قيل السكوت من الذهب.مدح وثنا.غير الكلام المعتبر.فضّه لمعزوز الجناب=الحظ يامنه رقد.جاب الهموم.والعشر خلاها اربعه.مامن وراه الا القليل
والراس فرق عن الذنب.طبع وطنا.والله فرق بين البشر.فرق الوطاة عن السحاب=الله يجنبنا الحسد والله يلوم اللي يحب الزعزعه.ومحاولات المستحيل