بسم الله الرحمن الرحيم
من منا لايحب الربيع والارض الخضراء , ويزداد الولع والشوق اذا رافقت الجيب , والطير , والبل , والمعاميل , وملح الحياة (الرفيق الطيب)
اليكم هذه القصيدة من آخر القصائد بمناسبة الربيع , اتمنى ان تحوز على رضاكم واعجابكم
.../[/align]size]
ياراكـبٍ جيـبٍ يهولـك صفيـره=جيبٍ على ضرب المصاعب جزومي
جيبٍ يهقوي صاحبه فـي مسيـره=ينطح مهابيط الوعـر والحزومـي
اليـا عرضلـك ماتراعـي نظيـره=برق الخيال بمقدمـات الوسومـي
والا عقيـدٍ مـن لجالـه يجـيـره=به هيبة الحكـام وأهـل العزومـي
واليا نطحتـه حـاذر انـك تثيـره=بالنـور والا بالشنـب والرقومـي
واليـا تقفيتـه وذقـت المـريـره=راح يتهـزع فيـه كبـرٍ وزومـي
شاصٍ يسابق للوحش في مطيـره=والموعد المنشود روس الرجومـي
ياراكبه مـن صبـح والا عصيـره=خذ الوصيـه والنصايـح لزومـي
الجيـب حـقٍ باللـوازم تـديـره=عليـك حـقٍ بالنواقـص تقومـي
عب التوانك والكفـر مـع سبيـره=واستكمل العزبـه لكيـفٍ يدومـي
تنصـى ديـارٍ يذكرونـه نظيـره=فيها الخزامى والنفل لـه شمومـي
وفيهـا طيـورٍ والحبـاري كثيـره=وفيها ام سالم والقطى به تحومـي
والذود يرعى والفحـل لـه يديـره=وضحٍ مزاييـنٍ عليهـن قسومـي
والنار له مع غيبة الشمـس نيـره=ودلال رسـلانٍ طـوال الخشومـي
ومع الوجيـه الطيبـه والسفيـره=خـوة رجـالٍ طيبيـنٍ قـرومـي
هـذاك منزالـه عـلاج وبـريـره=للي يبي فـرق الخبـر والعلومـي
وختامها للشعـر مبـداء وسيـره=وعن الخطاء بس الرسول معصومي
وسلامتكم جميعاً ... نايـــــــــــف الناهي
آخر القصائد بمناسبة الربيع 
العرض العادي
