لوعني الوجد عقب فـراق خلانـي=
لوعني الوجد قلبي ويش اسوي به =
يا حسرتي كيف من حبيت يجفانـي=
وانا الذي دايـمن روحـي تهللي به =
يقول تقـدر تبدلنـي بأحد ثانـي=
وانا الاسير الذي يرضـى بتعذيبـه =
من عقب ما صغت فيها اجمل الحاني=
واهديت له كامل الاحساس والطيبـه =
تقول عـادي اذا حبيـت تنسانـي=
انا جمالي كثيـر اللـي يغنـي بـه =
ما فكرت في دموعن تجرح اوجانـي=
ولا بدقـات قلـبن يجـرع مصيبـه =
ولا زيارات حبن جيـت لـه عانـي=
ولا خفوقن قضى عمره يهذري بـه =
سمعت با الغدر ما شفتـه باعيانـي=
واليوم شفته قبل تاصل منـاديبه =
ما للعذارى امـان بكـل الاوطانـي=
ولا للهوى خط واضح لجل نمشي به =
حب التسللـي يجيدنـه بـاتقاني=
من تعشق الصبح ماتلقاه تمسي به =
كيف الذي يزرع الاخلاص ينهانـي=
ما يصفي الود لا صار الغلى ريبـه =
من يجزي اللي يودونـه بنكرانـي=
ما له بدنيا الوفا قـدرن ولا هيبـه =
قلبي على شاطي الاحزان رساني=
يجرحني الحزن يوم ويوم اماري به =
مع كل هـذا انـا مانـي بندمانـي=
اعيش دنياي لو كثـرت عذاريبـه =
اللي ذهلنـي وحيـر مـن تحدانـي=
قلب جرح فيه كيف يعود يغلـي بـه=
لوعني الوجد 
العرض العادي
