بــأكون بخير
وبتذكرك ياخلي بعد بالخير
وحتى لوتشوف الحزن بعيوني
تعداني وتعدى موطني وكوني
بــأكون بخير
دامك بخير
وش اللي صار حتى ما أكون بخير ؟
ولا حاجه
سوى اني صرت محتاجه ...
أكون بخير
ويعني لو اغصّ بعبرتي
والا اموت بحسرتي
ياخل وش بيصير ؟
ابد عادي
ولا اهتميت لجروحي ولا فيني
قسم بالله ياخلي ترى عادي
يحبني مايحبني مانطقت الآهـ
لا بالله
ولا ناديت من يواسيني
مادام اني أنا من خانها التعبير
وعاندتها التفاسير
ياخلي وش بيصير ؟
ابد مايصير
سوى اني بشوف الموت
وذا أضعف التقدير
مساء الخير
للي غنى لي مواويله وله تقدير
ولا يمكن يهنيني في اعيادي سوى حبه
ألا ياخل كيف اهرب من احزاني؟
وانا من وين ما اهرب أبلقاني ؟
وبلقى حزني بلادهـ
وكيف أعيش فالعالم
وأنا ماملك إلا ذكريات الحب
ووردة احزاني
وش باقي ؟
أنا يمكن وأشواقي وبعض أشعار معتاده
فقط لا غير
وبس تدري .. أبد عادي
وش بيصير ؟
إلى من ضاع عن سنيني ذا عمر فاني
بأعزّي تربتي فيني ..
كلما جتني بشاير خير
خذاها الطير
خذاها الطير ياخلي .. إي خذاها الطير
وش تفرق ؟
إذا شمسي تدوّر في ظلام الروح
عن مشرق لاتشرق
ولاتمسي ولاتفرق
بـأكون بخير لاتقلق
بكون بخير
دامه كل مايلقى الفرح يمي طريق
لا لقى وجهي تكدر وانتحب!!
كن عيني صارت في همي بريق
وكن جوفي نار وضلوعي حطب
والعشق ماهوب من حظ العشيق
وش لقينا من وراه إلا التعب؟؟
بأسهر الليله بلا ليل ورفيق
دام غصن التوت ماطال العنب
مجرد الأحلام من نومي طليق
وهاجس السجان في همي لعب
رحت أطفـّي بالبكاء نار الحريق
وأثرني طفيت عيني باللهب
صاحبي ماعاد لي نفسٍ على الفرقا تطيق
وماعلى المحروم من نفسه عتب
انثر دموعك على ودي أفيق
وأبي أدريإني متّ طالبتك طلب
ليتها بس جت على كوني يضيق
البلا ضاقت عظامي يا عرب
الحياة اليوم ما تسوى شهيق
كنت أبحيا بس ربي ما كتب
وكل ما ينسد في وجهي طريق
تضحك علي الفرحة بلا سبب
تشوف شلون يا خلي فراقك غير ؟
بـأكون بخير ؟
ألا ياخـلّ ..
وكنـّي بك تجاوبني ..
أبد أبشر.. تطمـّن يا معذبني
تراك بـحـلّ ..
تراك بحل لو قالوا حبيبك مــلّ
تطمّـن وأحلف بربـي
بـأكون بخيـر إذا أنت بخير ..
اتمنى اختياري يعجبكم
بـــأكـــون بــخــيـــر 
العرض العادي
