يمر الوقت ماقسى الوقت اذا عدًا وفـات الفـوت
تموت اللحظه بلحظـه غصـب تمشـي ثوانيهـا
نعيش العمر حزن سكات تعب واجهاد لقمة قـوت
تضيـق وتنفـرج وتضيـق وتخفانـا خوافيهـا
الا ياوقـت علمنـي دخيلـك والصـدور بيـوت
تشيـل وتحتفـل وتميـل وتتحمًـل بلاويـهـا
الا ياوقت علمني وكيف الصوت يحجـب صـوت
وكيف الحزن رغم السـن يبيًـن فـي نواحيهـا
الا ياوقت والدمعه غدت مثـل الحجـر مفلـوت
تنابل والعيـون عيـون تحـذًف مـن اعاليهـا
كثر ماحارت عيوني وطاحت من بشوت بشـوت
كثـر ماكنـت اداريهـا واخايلـهـا واعديُـهـا
كثر ماضمًت التربه من امـوات البشـر تابـوت
كثر ماغابـت نجومـي وانـا بأوسـط لياليهـا
عجب!!! ياللعجب كيف الذهب يزهى على الياقوت
عجب تنبـاع للاوجـاع مبـادي مـن مباديهـا
عجب كل الزمان اللي يمـر ويظهـر المكبـوت
تقلًب هالقلـوب جنـوب شطيـره سمهـا فيهـا
ثتنى عمر العمر عمره قطفت الشوك ويًا التـوت
حضنت بكفي يديهـا واثـاري الشـوك بيديهـا
غريبه والغريب انـي غريـب بدنيتـي يانـوت
ضحكـت ولا لقيـت الا امانـي خـاب راجيهـا
وفيـت ولالقيـت الا العنـا ياحظـي المبخـوت
لقيت ان النفوس ظروس تظارس مـع اهاليهـا
لقيت العز بصدر الذل ينام وتحت هـاك الكـوت
لقيت الشر غطى الخير وطـار الطيـر راقيهـا
هنا ادري عرفت ان السكوت احيان مثل المـوت
يقطًـع بالعـروق عـروق ويصلاهـا ويكويهـا
وقفت وقلـت ياوقتـي غديـت بلعبـة البالـوت
مـدام ان البشـر تلعـب يابايعهـا ياشاريـهـا
الا ياوقت علمني مـن اللـي يكسبـك ويفـوت
من اللـي يكسـب اللعبـه يابايعهـا ياشاريهـا
منقوووووووووووووول
لعبة البالــــــوت 
العرض العادي
