عد الحجيج اللي يزورون مكه=وإعداد نجم ٍ بالفضاء بان عالي.
سلام مني صافي ٍ في محكه=يالصاحب اللي منزلك دوم غالي.
البعد ما منه على الناس فكه=عزي لحالك وأنت عزك لحالي.
أخذ بنا الهجران مسلك وسكه=وعدنا مثل ماقيل لا لك ولالي.
بكيت نفسي وانت خاطرك بكه=يمكن يزول الحقد باول وتالي.
وباب الهجر من بيننا رح وصكه=وخل الوصل من بيننا له مجالي.
والقلب جنب عنه اليوم شكه=ما عاد ينفع شكه اللي مضالي.
الهم زار القلب بعدك ودكه=قاومت لكن زاد فوق إحتمالي.
غديت تاجر راهنن معك صكه=ورجعت أدور عندكم رأس مالي.
من فرحتي غنيت للقلب دبكه= يالله عسا الفرحه تجي كيف بالي
وحبكت لك شعري طرب وأي حبكه=حبكه يترجم حرفها ما جرالي.

وسلامتكم