كيبورديةٍ اتت على عُجاله فوضعتها امامكم كما اتت ارجو ان ترتقي الى ذائقتكم
شف مداهيلك بصدري يابو الحور الوسـاع=اصبحت عوج المحاني عقب بُعـدك هشيـم
انت وصلك غيث للقلـب و فراقـك ضيـاع=لارحلت اعيش بَعـدك مثـل حـال السقيـم
و انا لامن غبـت عنـي يضيـق الاتسـاع=بالمحانـي و ختنـق حـزن و الله العظيـم
كـل ماحـاول تناسـاك قـدر المستـطـاع=اكتشفت انك على طول في صـدري مقيـم
و اصطفق لك نبض قلبي هبـوطٍ و ارتفـاع=مثل جمهور المدرج مسـاء فـوز الزعيـم
و رحت احث خطاي للوصل صوبك بأندفـاع=و الخيال يقلّـب ارشيـف ماضينـا القديـم
و ان بدت لي صورة الحسن فليت الشـراع=و ابحرت بي رحلتي بين سين و بين جيـم
هل من المعقول ماشوف ضرب من الخداع ؟=لون جمر و لون ثلج و عين حر و عنق ريم
و طُلع خوخ و حد سيف و نور بدرٍ له شعاع=و يعتليك و يقتفيـك معـزّل الليـل البهيـم
و لو تكلّم يركـن السمـع قيـد الاستمـاع=دلعنة صوتك من السمـع تزهـر بالصميـم
و قمت اعيش بعالم الحب مع نفسي صراع=بيـن رغبـات التملّـك و تفكيـر السليـم
و قلـت ربـي لا يعيـده زمـان الانقطـاع=اشهد ان الوصل عقب البطـا جنـة نعيـم
بين سيـن و بيـن جـيـم ؟؟ 
العرض العادي
