مجنون شعر وحالتي مستتبة = لو بي هجوسٍ دخلتهم زنازين
يهل دمعي كل مالريح هبة = ثم تنقلب عدلات بعض الموازيين
الضيم في بعض البشر من مسبة = والضيم في بعض البشر من سلاطين
والضيم في بعض البشر من أحبة = والضيم في بعض البشر من مجانين
النار ماكل الآوادم تشبه = وقصيدتي مادنقت للمطامين
قاف المشاعر فوق فكري أصبه = وأمرره فوق الهواجيس تزيين
جرح القلوب محال ملقات طبه = ثمن كلامي يابن الأجواد تثمين
ياحثالة حول البلاوي مكبة = مالله خلقنا للخزي ياعريبين
علم الوكاد بمجلس الطيب نبه = لو يفهمك بعض الرجال الفهيمين
خله يعلك بغبنه ألفين شبه = وأنا الذي متشاكلٍ وقم عامين
مثلي دعاه لخالق الكون ربه = اللي يطمن عز ناسٍ عزيزين
ذبه إذا تقدر عن الدرب ذبه = ولاترا بيطعنّ القاف تطعين
الدلة اللي كل من جاء يربه = ماينشرب فنجالها يامقفين
صوت الطنا دامه يناديك لبه = ذولا هل الطولات كعم المعادين
روح الشموخ الشمري مستتبه = لو به هجوسٍ حولتهم مساجين