جرس جوال ابو ناصر يدق ..الرقم غريب بدون اسم ..ابو ناصر متجه للاستراحة والشوف بدس ..الجوال يدق والأشارة حمراء ..ابو ناصر يفكر بالرقم منهو منهو منهو ..طاط دد طااااااااط بواري السيارات خلفه ..الأشارة خضراء وابو ناصر يفكر بالرقم ..لازال الرقم مشغل باله ..منهو منهي يمكن.. لا مااضن.. دخل الشيطان على ابو ناصر ..قال يمكن تكون بنت ؟ ليه لا وش ناقصن ..مد يده للمرايه وطالع لخشته وشاف فرته الا ماتساعد ..تعوذ من الشيطان اعوذ بالله ..دق الجوال ثاني مره ابو ناصر جته الربشه لانه مايقدر يلتفت من ورر على ايمنه وايسره .شباب سياراتهم جدد بسرعه جنونيه متجاوزين يعني متجاوزين وابو ناصر مايدري هو يرد ولا يشوف اللي طايرن وراه ولا اللي قدامه ..يعني حالته حاله ..لا والددسن اذا رفع رجله عن دعاسة البانزين طفت واذا اسرع ترتعد (رجه) ..يد بالقير ويد بالدراكسون ورجل على البانزين ورجل على الكلتش ..ابو ناصر وقف عند الأستراحه .هو صدق وصلت افييييييييييه.سلام ياشباب ..مافيه الا ابو حمود ماسكن الارجيله والمعسل هلا هلا ..ابو ناصر اخذ الجوال ويناضر للرقم ..ابو حمود عسا ماشر ابو ناصر وشبك تقل جاين من النفود ..ولا ام ناصر كالعاده قرقر ..ابو ناصر لا والله فيه رقم اتصل اكثر من مره ونا بصراحه شاكن انه ديان ..ابو حمود لهالحين ماقضيت من الدين ..ابو ناصر ولا راح اقضي طالما دخلي 2000ريال ..بالله عليك وش اسوي ابيع مخدرات ولا خمراء ولا اشتغل رقاصه ..ابو حمود احمد ربك غيرك مالقى ..الحمدلله ..ابو ناصر وش عليك ابوك ماشاءالله فاتحنلك حساب بالبنك وماعليك الا تدعس هالبطاقه بالماكينه وتسحب لاوتطفش اذا فيه سيارتين قدامك ..ابو حمود الله يكفينا شرك اذكر الله ..ابو ناصر طنشه ..ابو حمود حمرت شدوقك وخشمه وعيونه صارت تقل مزاقيط ..اذكر الله يابو ناصر ..ابو ناصر مطنش ..ابو حمود زت لي الارجيله وتودس الكاسات وبراد الشاي .وهو يقمز على ابو ناصر ويقعد يبوسه تكفى تكفى يابو ناصر واعبيلك سيارتك فل بانزين ..ابو ناصر والزيت ..ابو ابشر .طمع ابو ناصر الكفرات منتهيات ..ابو حمود خذ البطاقه بس اذكر الله ..ابو طق البطاقه ..ابو حمود هاذي البطاقه ..خذاه ابو ناصر .ابو حمود يالله اذكر الله ..ابو ناصر اللهم لاحسد والله يزيدك يابو حمود ..تنفس الصعداء ابوحمود ..وقال يابو ناصر كم الرقم السري ..اشهدنك بدوي وفقري ..قال ابو ناصر اشهدني كمخه والله ابخص اللي خلاني فقري ..شوي الا هذا البرنس ابو احمد ..ملك البالوت .سلملم .زبايدي كب .كاموستكا .هوريو .ك ن سجي .وشو هذا بعد ابو احمد سلام ؟ ابو احمد لا هذا يعني مالت عليكم بالصيني.
ابو احمد وين كشيره ؟ ابو ناصر بصنقير .ابو حمود بصنقيرين ..ابو احمد بنقير انت وياه ..وشفيكم ؟ السلام عليكم ..ابو احمد وقف هلا هلا بكشيره ..اربعه يالله ..
جرس جوال ابو احمد يدق ..رقم بدون اسم ..ابو ناصر ليه ماترد ؟ ابو احمد ماني راد
رقم بدون اسم ماعرفه ..ابو ناصر اكيد ديان ..ضحك ابو حمود ..ابو احمد وكشيره استغربو !! وش السالفه اكيد هالرقم مقلب..ابو حمود كم الرقم بالله .ابو احمد هذا الجوال ..ابوحمود ابو ناصر كم الرقم اللي دق عليك ..هات الجوال ..ابو حمود الرقم اللي دق على ابو ناصر وعلى ابو احمد واحد ..انت كافل ابو ناصر ابو احمد ..ابو احمد كل يوم اكفله ..اخرهن قبل ساعه عند شرطه العزيزيه معبي بانزين فول و هج ..ابو ناصر مابقى الا هالكديش يكفلن ..المهم دق على الرقم ولا ادق عليه انا ..ابو احمد انا ادق لايفضي جوالك يابو دقه ونص ..
الو ..مرحبا ..من ؟
ابو خالد ..ياهلا يامرحبا ..انت وين يارجال ..انت متصل على ابوناصر ..يارجال ماينلام ابو ناصر تعرف ضروفه ..حنا بالاستراحه انت بحايل ؟ حياك ابو خالد ..
وصل ابو خالد الاستراحه ..ودردشو وضحكو وتذكرو ايام الشباب ..
ابو خالد من حائل صديق ابو احمد وابو ناصر ايام الدراسه ..واجبرته الضروف على السفر للمنطقه الشرقيه سجل في ارامكو واكمل دراسته حتى اصبح من المسؤلين الكبار بشركة ارامكو ..لم ينسى الصداقه وتعب حتى حصل ارقام اصدقائه ..عرف بضروف صديقه ابو ناصر وطلب منه ان يتغداء عنده في اليوم الثاني من وصوله واتصل على صديقه ابو احمد وقال له بالحرف الواحد لماذا لم تساعد ابو ناصر وهوا من اعز اصدقائك ..حاول ابو احمد ان يبرر موقفه ..قال ابو احمد انت لست صديق بمعناه الحقيقي ان مجرد معرفه لم تكن مشرفه ولا محل ثقه ..كيف يمكن لصديق انم يراء صديقه يمر بضروف قاسيه ولا يقف معه خاصتا اذا كان قادر مثلك يابو احمد ..مع السلامه
اليوم الثاني وصل ابو أحمد لمنزل ابو ناصر ..ويبدو ان ابو ناصر كل راتبه صرفه على الوليمه التي اعدها لصديقه ..شوي الا وكشيره وصل ومعه ابو حمود ..ابو ناصر وين ابو احمد ليه مامريتوه ..والله اتصلنا ولقينا جواله مغلق ..ابو ناصر ..ينادي لابنه ناصر .نعم .اسمع ولدي الحين رح لم بيت ابو احمد ولا تجي الا وابو احمد معك يمكن انه نايم واهله طالعين ترا اليوم الخميس اهله يروحون للمزرعه ..سم يبه ..فتح ابو احمد ..هلا ناصر .اقلط ياولدي ..ناصر ..لا والله مستعجل بس ابوي عنده غداء وارسلن يمك لان جوالك مغلق ..ابو احمد خلاص رح اجي ياناصر .ناصر واقف .ابو احمد تبي شي ناصر ..لا ياعمي بس ابوي يقول لاتجي الا وابو احمد معك ..ابو احمد غورقن عيونه والدمعه كادت تصقط من عينه ..وقال في نفسه اشهد انك الصديق يابو ناصر الهذه الدرجه انت رجل كريم ..وصل ابو احمد وقبل رأس ابو ناصر وقال سامحني يابو ناصر ..استغرب ابو ناصر افا وشو عليه يابو احمد اسامحك ..والله من عرفتك ماشفت منك الا الطيب ..اقلطو تفظلو بارك الله بهالساعه اللي شفنابها ابو خالد وجمعتنا ..
تغدوا وسولفو ..وقام ابو خالد ..قال ماني رايح .السياره وراجع ..
استأذن كشيره وابو حمود .وبقى ابو خالد وابو احمد ..وابو ناصر ..
قال ابو احمد ..اسمع يابو ناصر انا بقولك ليه طلبتك تسامحن ..وباقولك بعد وش قالي ابو خالد ..الاوله اني ماوقفت معك وقفة الصديق والثانيه جيت ولدك ناصر للبيت ..اما ابو خالد فهوا علمني درس بحياتي لن انساه ..ابو ناصر وش السالفه لهالحين والله مدري وش المقصد من هالكلام ..ابو خالد اسمع يابو ناصر الله خيرك بين امرين فرض علي كصديق ..سياره افضل ان تكون اجره او خمسين الف امرا وليس فضلا علي لصديق ..يتدخل ابو احمد وانا هذا شيك ب50الف ليس لك يابو ناصربل لناصر ولدي ..ابوناصر لم يستطيع تمالك نفسه وانهملت عيونه بالدموع ..وقال والله اني اعزكم بدون شي وماتقدمونه لي ..تدخل ابو احمد وقال اذا كنا اصدقاء عليناء ان نقف مع بعض ..ولولا الله ثم زيارة صديقنا ابو خالد لربما انتهت صداقتنا دون اي ذكرى جميله ..
سافر ابو خالد وسُجل الرقم بأسم وتحسنت حالة ابو ناصر الماديه ..بفضل الصداقه الحقيقيه
اصدقاء واسماء جمعتهم في استراحه ..وسميتهم كل باسم ..ليحكو قصة قد تكون واقعا في حياتنا اذا عرفناء معنى الصداقه الحقيقيه