Bmw..من حائل المسرى

قـائـمـة الأوسـمـة · 18-Apr-2008

ياهيه لوبررتلي كل الاعذار =
=يبقى لي الواقع يقول الحقيقه
والصيت يبقى والفنا حظ الاعمار =
=والوقت يغرينا ويجذب بريقه
اصغي وانا باقولك والخطا صار=
=والعذر مادواى الجروح العميقه
ماهي سوالف ينقله شخص ثرثار =
=الادمانا كل يومن يريقه
طعنت قريب جاوز حدود الاسرار =
=وحطم تماثيل العهود الوثيقه
ولاهي توافق راي في حكم الافكار =
=الاعلى ماقيل نار وحريقه
وانا على الطاروق في وجه الاعصار =
=لحظه يغيبنا ولحظه نفيقه
ابحتريه ان حرك الريح الاشجار =
=واعاتبه مثل الصديق لصديقه
واليا انتصف ليل العنا عفت الاشوار =
=وحملت نفسي فوق مالاتطيقه
قلت احملو نص الخبر ضمن الاخبار =
=للشاعر اللي مايبور برفيقه
على الذي اسرع من الطير لاطار =
=وارق من حلم القلوب الرقيقه
بي ام وان قالو هلاالصنف مشوار =
=ترجح موازينه ويربح فريقه
الياسرت هانت مسافات الاسفار =
=ماكن يوجد بالسفر مايعيقه
واستغفرالله لامشت كن الاقدار =
=تمشي على كيفه وتتبع طريقه
جوانبه تعطي على ضو الانوار =
=بحرٍ غدت فيه البواخر غريقه
اليااقبلت غيمه تبشربالامطار =
=والياادبرت ليلٍ سرته الخليقه
من حائل المسرى عن عيون الانظار =
=النفس حره والنوايا طليقه
ياسايقه يامسندي يابن الاحرار =
=انت الشقيق اللي يهمه شقيقه
وصل وصايا صاحبك وانت مغوار=
=واحسب مشاوير السفربالدقيقه
وان جيت راع الجود في وصف الاذكار =
=عطه العلوم اللي روت بالسليقه
هذاك ابوصالح الياضاق محتار=
=ياقف مواقيف السباع المويقه
اخوي وان دق الجرس صوت الاخطار =
=يجلي عن قلوب المشقين ضيقه
قله وصلنا لعبة القط والفار =
=واهل الجدايد يجلبون العتيقه
الريح جابتهم من حدود الامصار =
=وصار النحل يدفع ضريبه رحيقه
سوالفن ماهي عن صغار وكبار=
=الاضياع اهل الاصول العريقه
وكان الكلام اللي بدى يجلب العار=
=البريابس والحديقه حديقه
عندي لهم علمٍ عن الحرب والثار=
=وحقايقٍ في محتواها دقيقه
واليوم ندمحها على شان الاخيار =
=وان عوّدت دم المخوه نريقه
واقبل حروفن نصها نزف الاشعار =
=مضمونها وصف وخيال وحقيقه

قـائـمـة الأوسـمـة · 18-Apr-2008

صح لساااااااانك اخوي ولاهنت

قصيده رائعه من شاعر جديد

اتمنى لك التقدم

تقبل مروري

قـائـمـة الأوسـمـة · 18-Apr-2008

صح لساااااااانك اخوي ولاهنت

قـائـمـة الأوسـمـة · 18-Apr-2008

"والصيت يبقى والفنا حظ الاعمار"
هُنا تحضر حكمة الشيوخ , والاستشراف البعيد..
لكنها بنفّس شاب لم يكن يقمّص, بقدر ماكان يوازن جين طيشٍ وحكمة..وذلك هو الشعر..
و:
"واستغفرالله لامشت كن الاقدار
تمشي على كيفه وتتبع طريقه "
هنا غواية الشعر العاقلة, او جنون عقل, او قل ماشئت من كلام ينهي بالابداع..
****
سعيّد هنا يوازن بين التقليدية وبين التحديث بتوازنٍ مُذهل..بعيداً عن التعصب لأي منهما على حساب الآخر..
محبتي يا بطل..

قـائـمـة الأوسـمـة · 18-Apr-2008

سعيد العمودي

وإنهمار شعري متجدد وراقي

صح لسانك مدد بلا عدد

وصحت قريحتك الفذه

دمت بهكذا إبداع ودام تواجدك

تقديري وخالص إحترامي.

قـائـمـة الأوسـمـة · 18-Apr-2008

تسلم وصح لسانك يالعمودي بس انتبه تراء به رادار اقشر حول قصيبا وان كان وجهك قبله تر ماهو خلي من التريلات والعالم اللي تخاطم وكانك شمال خذ لك جيب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري