نبـع العذوبـه دونـه الـبـاب مـوصـود
إلا عــن الـلـي لاوزنـهـا .. وزنـهـا
*
اللـي يجيـب مـن البحـر لولـو عـقـود
كـل المـوانـي جـهـزت لــه سفنـهـا
*
حتى لو ان الدخـل (( ملـوي و محـدود ))
المزمـنـه يـكـوي جـروحـه زمنـهـا
*
فـز الربيـع وجـابـت علـومـه الـنـود
والأرض ربــي.. بالخـزامـا.. دفنـهـا
*
وام العيـون الـسـود ورموشـهـا ســود
تبـي تربـع مـن وطنـهـا .. iبوطنـهـا
*
البـارحـه باللـيـل ماعـنـدي شـهــود
مـن صحـة لسانـي ل صـحـة بدنـهـا
*
تطرب واغنـي واسكـت وتطلـب( ن ) زود
وابعـث (( رميـم القافيـه )) مـن كفنـهـا
*
اذبحلهـا معـنـى لــه سنـيـن مفـقـود
اللـي ذبحتنـي ذبــح مـاتـدري انـهـا
*
عليهـا ضحكـه كنـهـا دنـدنـة عــود
وشلـون اسولـف للعصافـيـر عنـهـا ؟
*
اقول (( ضحكة طفل )) قبـل امـس مولـود
ولا البـنـات وهــن بـنـات عشقنـهـا
*
علـى ملامـح وجههـا المـلـح مـجـرود
وكــل ماتـمـر الزعـفـران يحضنـهـا
*
ماكن (( دهن العود )).. معها..(( دهن عود ))
العـود اضـنـه يـاخـذ الـدهـن منـهـا
*
علـى صباحـه مطلـع الشمـس معـقـود
وجدايلـه (( لـيـل الشـتـا )) طاولنـهـا
*
ماللـسـواد بـديـرة عيونـهـا حـــدود
غيـر العيـون الرمـش يـآمـر وينـهـا
*
ومتلثم الرمان (( عنقـود )) .. (( عنقـود ))
مديـت لـه عيـنـي وكـفـي iiسجنـهـا
*
حتـى النحـل لـو جبـت لـه باقـة ورود
راح ل..شفايـفـهـا الرقيقهiوسـكـنـهـا
*
والسالفه (( تضحك )) وانـا كنـت موجـود
ماتـدري ان (( الشعـر )) يـدفـع ثمنـهـا
*
اروح اعبـي ب..القلـم (( ملـح بـارود ))
و (( انشـب بحلـق القافيـه )) وامتحنـهـا
(لشاعر ممدوح الراوي)
~اذبحلهـا معـنـى لــه سنـيـن مفـقـود~ 
العرض العادي
