السلام عليكم ورحمة الله وبركاته
هذه القصيدة كنت سألقيها في قناة الساحة بعد اتصال دار بيني وبين المعد ولم أتمكن من إلقاءها لظروف خارجة عن الإرادة .
وحبيت انقلها هنا . وان شاء الله أن سمحت الظروف سألقيها ولو صوتيا بقناة الساحة وهي قصيدة موجه الى الشيخ قبلان .
اللي اطلب من الله بأن يلين قلبه ويعفي عن بدهان الرمالي
بديت بسم الله رب(ن) ورحمان = ومتوجه(ن) لأهل العطى والشهامة
سلام للشيخ الشراري لقبلان = لابن عتيق اللي رفيع(ن) مقامه
وسلام سلام بلسان شمر وسلمان = وفي شاشه الساحه ابثني سلامه
جيت بوجاهتي لكم ياهل الشان = من عرض من ينخى وبان اهتمامه
الله يلوم اللي يلومك ياقبلان = اصحاب حق ماعليكم ملامة
ولاجيت ابنخاكم على شان بدهان = لو تاب وأعلن توبته والندامة
جيت اطلبك بالله عفوك على شان = الشايب اللي ماهناله منامه
ينخاك تكفى تكفى تكفى ياقبلان = ينخاك تكفى وعاجز(ن) عن قوامه
مصيبته ماهي على حد بدهان = مصايب(ن) شلت طوارف عظامه
أثنين قبله عودوله بالاكفان = والثالث اللي يطلبك عن عدامه
ينخى وأنا انخاك عفوك والأحسان = وأنت الذي من جاك يحصل مرامه
وانخى اللحاوي وابن دعيجا كحيلان = أهل العطى والطيب واهل الشهامة
تكفون قبل يخالف السيف الأمتان = تكفون يانسل الوفا والكرامة
ترى الجمايل باقيه كل الازمان = وأنتم جمايلكم تعادل تهامة
ويالله تجعل لاسم قبلان قبلان = ولابن عتيق العتق يوم القيامة
ويالله تبعد باللقى كل شيطان = وتفتحلنا باب الفرج والسلامة
هذا وصلوا عد همال الامزان = على النبي المصطفى في ختامه
إلى قبلان ( سلام سلام بلسان شمر وسلمان ) 
العرض العادي
