ياهيّف الخصْر ويبو نابي ردوف = يانايف القامه يبو جيدٍ مْرَاة
خل الضلام يعيش وش فيه ملفوف = خل يتثنى فوق الامتان طيات
العب على طَرْق الهوى فيه ونشوف = وقْع العواصف لاستباحت به الذات
في كل خطوه لك ترانيم وعزوف = يحكي بها خصْرك واناقول له هات
مانيب طبالٍ ولا عندي دفوف = لكن خفوقي شافك وزاد دقات
أقبل... وانا باقبل لك وكلي شغوف = عانق سحابي واحضن الشوق بسكات
لكن عليك الله لو رغت.. بي روف = لي خافقٍ ماعاد به حيل كيات
لملم شعوري وادفنه داخل الجوف = وارحل على متن اول رْحَال سيات
وابختصر لك في عبارات وحروف = تطري عليك ان هلت العين عبرات
ان جيتني لهفه...اباجيك ملهوف = وان جيتني لسعه...اباجيك لدغات