السلام عليكم ورحمة الله وبركاته
مصافحتـي الأولـى
ابيات اتمنى انها تحوز على استحسانكم
وللمعلومية يوجد دخل القصيده لغز اللي وده يفكر او يحرك مخه شوي
عديت بالسمرا قبل وقت الادماس=ابي الوناسه بس زادت هجوسي
الجو كتم واصبح الفكر محتاس=كني غليث(ن)عرق قلبه ينوسي
وانتل قلبي تلت الجمس ياناس=حدر شجاع(ن) للمخاطر يدوسي
عبا التوانك فل والحمل مايقاس=حشيش مع هروين وشي مغموسي
السير بالمكره بداء يضرس اضراس=يعوي كما الشنه ليا جاه قوسي
وسط المكينه ولعة حرب وعفاس=ولو تنشد تقول ضيم التروسي
حذف الحصى من الكفر مثل الاقواس=ليا التمو الجمعين بحرب البسوسي
دربه وعر كله جلد ماهو اطعاس=لاشك حده قل مسك الفلوسي
وزال الخطر عنده عقب كتم الانفاس=وعدا الحدود وكل ذيك الرسوسي
وطلع من الدفدوف وولاه مقباس=وبدا يحسّب وللمكاسب يقوسي
وفجئه تفاجا بوسط الخط حراس=سبة بلاغ(ن) من عوايد بلوسي
ورده من الراحه على ثالثه داس=وعود يتله مع طريقه نكوسي
ضغطه على السته قطع فيه مرواس=وناوش له الراحه وروح يهوسي
وكلم على الثريا عوينين وانجاس=قال افزعو يومي عليه عبوسي
ومنه تبرو وعود الوضع لفلاس=وسلط عليه الله بقطم التروسي
حيث ان حمله لمخة الراس لحاس=والله على المفسد يحطه تعوسي
وسحب ابو عطفه والوضع ملتاس=من نوع كلاشن كوف تصنيع روسي
ثم ابتدا يرمي والرمي بقياس=له رميتن بين الاحجه تبوسي
حيثه جعاع(ن) لصعيبات دواس=ورثة زحلول(ن) منتمى لندنوسي
ثم جاه قناص(ن) على الرمي له ساس=رميه قرار(ن) صوب قلبه يقوسي
حالي مثل حاله وهي حالة الياس=اقوم واجلس ماتحمل جلوسي
وون تال الليل وامسك على الراس=وليا انشدوني قلت لجن ضروسي
اخفي معاناتي وهمي عن الناس=وانا بلايه حب زين البوسي
الجادل اللي ماوطت درب الادناس=وعقله رزينن ماحكت للهلوسي
لو تقرط المغشات ليا فلت الراس=غطت على نجوى وهيفا وبوسي
وليا مشت والثوب مع ساقها لاس=تقول يبذح بسرة القلب موسي
والعين عين اللي على الكف قرناس=شره على الصيده بتوع(ن) فروسي
حبل الوصل من بيننا حلقت الساس=واقصر مسافه ثم ياسين دوسي
وبعد على ماقيل كلمة قوي باس=بس افهمي ثم اعتني بالدروسي
اخفيت سر البيت والهرج حساس=عساه يبقى عن اللعين محروسي
ويلبله عقلن له الفهم نبراس=ويخفى عن اللي بالعوايد بلوسي
كرهي لبعدك كره سالم لجساس=وغلاك عندي بالضمير مغروسي
رؤفي بحالي بابعد كل الاجناس=ليا صار انا قلبي عليكم لهوسي
دقات قلبي كنها صوت الاجراس=ليا نامت العالم غداله رجوسي
متى على الله يطلع الطير قرناس=واصير انا العريس وانتي عروسي
على كلامي يوم جيبته على آآآس=والقاف الاخر يوم جبته على اوسي
في مرقب السمراء قبل وقت الادماس=ابغا الوناسه بس زادة هجوسي
وســـلامتــكـم
مرقـب الســمراء 
العرض العادي
