اغلى المحبين (محمد رسول الله) صلى الله عليه وسلم
لعنبوكم سبو رسولنا وصامتين *** لعنبوكم ياعرب مابكم رجوله
لعنبوكم الحقير ابن اصليبيين *** يحتقر امة الاسلام ورسوله
انقاطع ونضحك ونترك المعادين *** يافهد وشقالت العرب اعد قوله
انقاطع جبن وحليب الايامساكين *** بالله هذا قول حكامن تقوله
ان مارفعت بيارق جيوش المسلمين *** لاانتم من العرب ولا انتم من زحوله
هذا شفيعنا محمد خاتم المرسلين *** يرسمه سافل مايسوى ماطئ انعوله
سامحنا يارسولنا ياغلى المحبين *** اقولها سامحنا ونفسي خجوله
ليت الزمان يرجع لنا ابن الميامين *** حرام ناخذ باروبا صوله وجوله
وتمشي الطنايا سرايا لحدود برلين *** لنصرة رسولنا نمشي لو ثقلة حموله
هذاك زمان أول يوم نصرة الدين *** اليوم كل متوجد بكرسي الدوله
خايف يتزحزح ويصغر ولايبين *** اقفت الرجال اللي ماهمه الافعوله
اليوم ننصاع لبوش وباكر لبوتين *** وين الاسلام وين هي اصوله
شلون تبون العزه وانتم ذليلين *** فاتكم العز راكبن ذلوله
تركتو العراق وقبلها فلسطين *** شوفو الدم كيف سالة سيوله
يالله انك ترحم اسد الرافدين *** هذاك اللى وقف الغرب على ارجوله
صدام اللى مانخلق مثله مع الحيين *** باع الدنيا ويارب الجنه هي دخوله
غيرته على العرب وغيرته على الدين *** الرجل بالمواقف تنعرف ميوله
ورجانا بابو متعب عريب الجدين *** الحاكم اللى لنابه خوله
قدها يابو متعب وحنا للمسمين *** ونشوف بوش كيف الطنايا تغوله
شاعر زميلي فز غيره على الدين *** ماهمه دوله لو تصفق بدوله
سامحنا يارسولنا ياغلى المحبين *** اقولها سامحنا ونفسي خجوله
شاعر توارن / فايز الزميلي الشمري
اكتملة قصيدة اغلى المحبين ( محمد رسول الله ) صلى الله عليه وسلم 
العرض العادي
