بسم الله الرحمن الرحيم
بعد مجارات الشاعر خليل ابراهيم ناصر الشبرمي التميمي الحاصل على المركز الاول في شاعر المليون لقصيدة الامير الشاعر عبدالله بن علي ال رشيد
قال الشاعر سميحان بن فهد السويدي الشمري هذه القصيده
الشبرمي ذكر لمجد السلاطين=وشواهد التاريخ مثل الامانه
ذكر تواريخٍ وضح عناويين=ماكن قلبه ناطقنبه لسانه
بابيات تسوى الروح ماهي ملايين=ويجوز للرجل الفهيم سمعانه
جزل المثايل فيه شرح المضامين=واضح ولايصعب على ترجمانه
توضيح سيره له بالامجاد تدوين=تاريخ مجدٍ مايجوز انسيانه
قاله خليل وفيه للقول تثمين=عند الرجال اهل الوفاء واتكانه
شاعر وله في نظم الاشعار تمكين=معروف بالاعلام كامل بيانه
الشعر حصل بيرقه بالميادين=بالمركز الاول عطاه الضمانه
خليل يامشكاي مالناس دارين=ان الحصاني صار عنده حصانه
ناسٍ على ماتطلب النفس ماشين=ولاميزو بين الفخر والاهانه
مافيه شيمه والعرب خلو الدين=ماعاد تهتم العرب في كيانه
يابو اديب الوقت هذا ماهو زين=ماحداً عرف ظلم البشر من حنانه
والناس اللي ذكرت بالفعل وافين=تاريخهم ساطع يشوق المعانه
اليوم هذا وين وايامهم وين=كلاً يكيف سيرته مع زمانه
واليوم في حكم الملوك الميامين=الكل منهم ميزة العدل شانه
للحق لاهل الحق بالعدل معطين=ولايقبلون المتصف بالخيانه
لامر الولي وهدي النبي له مطيعين=بنظامهم للظلم مافيه خانه
اخوان نوره في ذراهم عزيزين=بين الملك والشعب مبدا ميانه
والظلم ضيع يالتميمي فلسطين=وش عاد لو نمدح زعيم الكنانه
خليل يامشكاي مالناس دارين=ان الحصاني صار عنده حصانه 
العرض العادي
