صعبه على انحط في باحة الناس=مع الذي لاطحت مايرفعونك
وصعبه علي اكون من شلة انجاس=ماتدفع المعروف الا يجونك
الصدق لاهل الصدق منزل ومقياس=ومسكين يامتوبع من لايبونك
تنكس جمالاتك نقص ٍ على افلاس=ويقال ياضايع ريـّح جفونك
خطو الولد فاهم طيب وحساس=يعرف متى طيبه يملا عيونك
وخطو الولد صادق لاحب باحساس=مشاعره تنحاز يمك تصونك
ماينثني للضعف ولايتبع ادناس=ولاتلفته سوه وقولة تخونك
الحب ماهو دفت المال والماس=الحب نفس وراحته في شجونك
يكفي معك رايق ماني بمحتاس=وتايه بصر مجنون لو يبعدونك
اغيب وارجع وارجع اغيب والباس=ثابت مدام اني عندك زبونك
قالوا قديما للغلا ساس والساس=ينجح ولايمكن يخلف ظنونك
دزيتها من قبل لاينطلق فاس=منوة سبق والقصد لايخلفونك
دزيتها والنظم يقعد لك الراس=يالله عسى مدلول نظمي مزونك