قال الشعر .. منهو عطى الرب أمره=واعلن خضوعه بعد ماخاطره طاب
بعز العمر .. أذبل له الياس عمره=وحطم له احلام لها شكل خلاب
يومه يمر .. ويلحق اليوم عشره=ينطر وعدها واقف له على الباب
مثل المطر .. دمعه على الخد نثره=ومن القهر يقطع الكف بالناب
خله هجر .. هو يحسب انه بسفره=ويخشى يكون الزين بالحب لعاب
عنده خبر .. والحب مذموم شره=ينسى السعاده من وقع فيه وانصاب
كم انكسر .. محبوب وانهار جسره= تصدع أماله على كف كذاب
حبه كبر .. وصافي الوقت غره=شاف العناء من حب خله ولاتاب
ذاق الخطر .. مدسوس في شق تمره=طعمه حلا وبأخره موت ينساب
هذا الدهر .. لاتأمن اليوم غدره=تقلب أيامه على كل مضراب
ويبقى العذر .. في سود الأوراق ذكره= يناجي سطوره شعر وجد وعتاب
هذا الدهر .. لاتأمن اليوم غدره..!! 
العرض العادي
