للإيضاح القافية الأولى مشددة
قد يقرأها البعض بدون تشديد فيتشتت المعنى
واويح قلبي ويحة اللي طعّنا = بالجوف في شبريةٍ من معاديه
جونا يبون ديارنا أو وطنّا = مايعرفون الطيب ولاّ مباديه
نقول منّا ثم يقفّون منّا = نسند ليامن حدر القوم واديه
شفنا خيولٍ يم الأدنين جنّا = وعفنا الحضر بالبيت ولابواديه
طنّا على روس المعادين طنّا = لاجاك صوتٍ لاتدّور مناديه
حنّا هل الطولات لاقلت حنّا = يبرك رجا ولاّ تقصقص علابيه
أهل الدلال وكيفها كيف بنّا = لاقيل قولٍ لاتجيه وتحاذيه
مطنوخ شعر وعطوتي ماتمنّا = مرفوع راس لغير ربي ما أوطيه
سيف الشرف من فوق راسه يسنّا = وسيف الدنس فوق المعادي نمشيّه
نور المداين بالخرامس عمنّا = وشلون لاجيت الضياء تبــ تخفيه
واونتٍ ونت قبل ماتونّا = سالت دموعٍ يوم سمعت غناويه
هجير ليل بعيشته ماتهنّا = وعينٍ سهيرة ترجي الرب ترجيه
طنّا على روس المقفين طنّا = ولاجاك صوت لاتدور مناديه
// مــرفــــوع راس // 
العرض العادي
