ارجو ان تحوز على ذائقتكم الجميلة
الوايلي بالشعر يعطيك الابيات=خذها تجيك من الفكر صافي البوح
هذا كلامي واحفظ الهرج مامات=والعلم ياصل للبشر نور له ضوح
الطيب ماهو ملك حدود وعلامات=ولاهو بعيرٍ تاسمه وسم وتروح
الطيب بحرٍ فيه غوص وملذات=ناسٍ كثيرة شفها الصيد والشوح
احدٍ يصيد وصيده اليوم جزلات=واحدٍ يروح ويرجع الوجه مكلوح
واحدٍ يصيد وجاك صيده صغيرات=امقسمه بين البشر صح وصحوح
واسمع ترى بالطيب جزمة وغارات=قولٍ صحيح وهاكم العلم بوضوح
ارفع احجاجك فوق للحر هقوات=صيده يجيك من الجزل فعل ممدوح
شف منزلة بالقدر عال الطويلات=يهومه اللي للفعل دوم مشفوح
والوكري له بالفعل صيحة وجولات=ماهو ردي بالصيد فاعل ومربوح
الطيب ساس ومنبع الساس هامات=ذيك العطور الطيبة ريحٍ تفوح
والطيب بحرٍ فيه الامواج عسرات=صعبٍ على الي ماله قلاع وصروح
مايقدره ياكود رجال الصعيبات=هاك الدروب تجيك في طلعت الروح
وكلٍ على المقدور يجيب المنيفات=فعل الرجال الي لهم صيةٍ وفوح
افعل وتلقى بعالم العلم صفحات=والا الردى رجاله اليوم مذبوح
هذا وتلقى عند رب السماوات=ذكرٍ جليلٍ دوم مكتوبٍ بلوح
وانشد بطيبك دوم عال المقامات=والطيب بيت وعندك البيت مفتوح
وسلام مني للي يدور سيادات=هذا كلامي وجاكم القول مشروح[
$$$$الطــــــــــــــــيب$$$$$ 
العرض العادي
