خذ راحتك عمري تر الشـك مرفـوع=
ماني مـن عتـاب المواليـف جـزاع =
تـر الغلـط بيـن المحبيـن مرجـوع=
حنـا بشـر نجـرح ونفـرح ونلتـاع =
آمـر تدلـل لـو تماديـت مطـيـوع=
ملـزوم منهـو فـي حلايـاك ينطـاع =
العب بقلبن يا غلـى الـروح مليـوع=
به من تباريح الهوى عشـرة انـواع =
صوتك هو احساسي على الدوم مسموع=
لو ما سمعه القلب تسمعـه الاضـلاع =
وش لذة الدنيا بـلا ضحـك ودمـوع=
وش قيمة الدنيـا بـلا وصـل ووداع =
ولا دلـع خـلان واقفـاي ورجــوع=
ولا غـزل بعيـون حلواتـن وســاع =
ولا حبيـب بيـوم يمسيـك مفجـوع=
وقبل الفجر لمعانقـك يسـرع اسـراع =
وليا دنى لك شبر تقـرب منـه بـوع=
واليا غنـج ودك تشيلـه عـن القـاع =
الخاسر اللي ما له اصحـاب وربـوع=
والكاسب اللي لا طلـب شـي ينطـاع =
والخاسر اللي ما تضوى لـه شمـوع=
فجره ظلام وبسمتـه حـزن واوجـاع =
جوع الاكل غلطان من صنفـه جـوع=
الجوع جوع الوصل في قلـب ملتـاع =
الحب لعمـوم البشـر حـق مشـروع=
ولا به حلاة اليا وصـل حـد الاشبـاع =
الحب ماهو غصب لازم يجـي طـوع=
ماهـو سـواة .... يشـرى وينبـاع =
لا قال لك ملـزوم مـن حبـة الكـوع=
شوري عليك انـك لاوآمـره تنصـاع =
الجوع جوع الوصل في قلب ملتاع 
العرض العادي
