سلامو عليكم ورحمة الله وبركاته
ايش عاملين يابنات وياشبـآب ؟! <- ملف حالق شنبه 
والله يابنات من تالي ضايقن صدري <- وراه ياكافي؟! (قسم بالله أني زابط الدور )
عيب عيب والله اتركوا المزح للشله وخلونا في الجد ,, لأن طلآلـ دايم يقولي ( الله الله على الجد والجد الله الله عليه ) ,, فلذلك بقولكم موقف حصلي قبل فترة ,, وبعده يفرجها ربك <- بيخنبق
من مدة مهيب بعيدة كنت قاعد اقلب بجوال خالي (المطوع) واشوف المقاطع الي
يتداولونها الله يثبتهم ويهدينا ,, وفجأة دق جواله بأسم ( شباصه ) ,, استغربت وما اخفيكم أني شكيت بخالي في تلك اللحظة لكن قلت ياولد أحسن النية بس ,, رحت لخالي وعطيته الجوال خلص مكالمته ,, ما امداه يسكر إلا وهو ملتفت
علي ,, قالي ورى ماتقصر ثوبك؟! ,, ولاتعاون البلدية الله يجزاك خير؟! <- ياخف دمه الله يثيبه ,, قلت الله يهدي الجميع ,, والله ودي بس ,, قال خل قدوتك رسول الله عليه الصلاة والسلام واتبع سنته ,, قلت الله يعين ,, ثم قلت إلا صدق من الي داق عليك تو؟! <- صك عليه ,, قالي غادة بنت أختي ,, انا فاقن كشرتي من كثر ما انا مستغرب من حكيه..!! ,, قالي وش فيك؟! ,, قلت وراك مسجلها شباصه؟! ,, قال تبيني احط اسمها قدام العالم؟! .. وأنا جوالي أخليه عند ربعي ويقلبونه ,, قلت هذا وأنت مطوع وش خليت لنا؟! .. يعني تشوف أسمها عيب ولا وش بالزبط؟! .. قلت طيب ربعك يعرفون أسم أمك؟! ,, قال لا وش يبون باسمها عشان يعرفونه؟! ,, قلت ولاتفكر تقولهم لوجت فرصة ولاشي؟! ,, قال مهيب جايه فرص.!! ,, قلت توك من ربع ساعه تقولي اقتد بالرسول وقصر ثوبك ومدري كيف .. هالحين أنت تخالفه؟!! ,, قال اعوذ بالله وش خالفته فيه؟! ,, قلت كلنا نعرف وش أسم زوجات الرسول الي هم أمهات المؤمنين ونعرف بناته الي هم من خير نساء المؤمنين .. ولا استحى عليه الصلاة والسلام من أسمائهم أو أخفاها كلن كان يعرفها ,, قال وأنت تقارنا بالرسول؟! ..عص ولا تقارن نسائنا بأمهات المؤمنين ولا بنات الرسول؟! ,, عصبت وقفل جوي ,, وقلت لابغيت تقتدي بالرسول اقتد فيه بكل شي ,, والعادات والتقاليد مهيب كلها صح وهذي الفكرة والنظرة للمرأة مهيب إلا دلالة واضحه أنك تستنقص من حقها .. والمفروض كلن يفخر في أمه مهوب يوزي أسمها ,, ويوم القيامة ينادى الشخص بأسم أمه .. يعني منتب قايل اوه يالله وش اسوي ,, وعناد منيب مقصر ثوبي <- مريض قسم بالله
هذا الي صار معي ,, أول شي الله يهديني واقصر ثوبي واقطع كل شي شين اللهم آمين
ثاني شي بشوف وش قصة التخلف الي يعيشه فئة من مجتمعنا ,, من خلال اسئلة سألتها كم شاب وكم بنت...
والله ما أخفيكم أني انبسطت مره من الشباب الي معي ,, أغلبهم كانوا ينتقدون الفئة المتخلفه الي يستحون من أسم أمهم ,, وبالعكس أغلبهم قالوا لي لو مانفخر بأمهاتنا نفخر بمن؟! ,, وحده شالتنا تسع شهور ,, وعقبها رعتنا وإلى هالحين ترعانا ومهمى كبرنا بتظل تخاف علينا نستحي من أسمها ليه؟!
وطبعا البنات أغلبهم الفئة هذي أو ماي قاد قرف قرف أنا ما ادري كيف يفكرون ,, ناس تافهه وتفكيرها منغلق ,, والله مايستحون قسم بالله...
إلا بنت وحده مدري من وين طلعت لي معه ,, قالت لا أنا منيب ضدهم ابد أنا اصلاً أخواني يسجلوني بجوالاتهم برموز حتى امي مسجلينها
((قوموا صلوا)) <- هيئة مهيب أم خخخخخخخ 
قلت لها غريبه تأيدينهم؟! ,,
قالت شف هم ماسووا هالشي إلا وهم عندهم اسبابهم الخاصه ,, أما ربعهم متخلفين زيهم ,, ولا أنهم يحسون أن المجتمع تسود عليه هالفكره ,, قلت اها والله وجهة نظر احترمها ,, قالت بس اخواني الكبار كلهم مسجليني بأسمي .. يعني يمكن هالإنغلاق بس في مرحلة سنية همن يدرون أنه مهوب عيب...
والله انبسطت يوم اشغلت نفسي بهالموضوع ,, شكلي بسوي لي بحث ثاني عن موضوع ثاني...
بس أكيد عقب ما اخلص مناقشكم في هالفكرة الي عند بعض الشباب....
س1: <- اختبار ماعاد هوب موضوع ,, هل تعتقد/ين .. أن بعض الشباب معه حق في تحفظه على أسم امه؟!
س2: هل تعتقد/ين .. أن التحفظ هذا يأتي من قبل الشاب فقط في سن المراهقه وبعده يختفي؟!
س3: نظرتك لهالفئة من الشباب..!!
س4: وش صلة القرابة الي بيني وبين غادة؟! <- فاضي
س5: هل تعتقدون ان العجز بيقرشعون الموضوع؟! <- أهم سؤال خخخخ
هههههههههههههههههههه
ويعطيكم العافية على تحملكم مغثتي وداري أني كثرت البربرة بس وش اسوي
واعذرونا على القصور ,, وعلى الاخطاء الإملائية بس توني كاتبة والله
.. والعذر للأسلوب الهزليـ لأن الموضوع بصـراحه مايحتمل الجديه فحاولت اني اطرحه بأ اسلوبي ..
<- ياعيني بعد؟!
برايفت وميض: استبينا؟!
همســـات ولمــســآت.. << == مطــروحـ9 لنقـآش ..!؟ 
العرض العادي
