مساء الفل عالكل
والله بالنسبة للدعسه بالمشاركات فكرت فيها اشغل صقيقتي تقدر هالحركات تنزل موضوع وتحتري الردود
فا بكرفها من هالناحية <<< تسمع بالصداقه
ما عليتس يا شيهانه في ذا العرس احس بنطلع فيران تجارب يكفيتس رجوا حقت مشغل الازياء الراقيه << بين عليها دابلتن تسبدهم من كثر ما تتصل
تقولي تعالي نجرب عليتس المكياج ليه يختي شايفة وجهي سبوره ولاااااا بعد تقول لي تعالي في نفس اليوم ناوية توهقني الاخت من جد
بس انتي تامرين امر راح ناخذ مشغلين الازياء الراقية ليوم العرس ولمسات لثاني يوم
واحلى مافيهم اسعارهم تجننننننننننننننننننننن
اجل تخيلو العروس ب 1500 ريال فقط لا غير <<
مير على الطاري عندكم تصوير حلو؟؟
<< اما الصورة من جد شي
<< مب كنتس ابثرتي العالم بكثرة النشدة
ايه مير قبل اقفل << ليه سماعه ؟
ولا ماله داعي للقلق من جد خخخخخ
<< تسمع بالتشويق
ايه من جد اشكركم بصراحة ما توقعت الدهره في المنتديات حلوه لاني اول مره ادق حنتس في منتدى
من حرارتي ابي الرد يوصل قبل اكتب شي فا عشان كذا مريحة مخي
وهذا بعد اللي يخليني ما افتح المنتدى كل يوم
المهم اذا تعرفون تصوير حلو ولا نشقلها معنا من الرياض بس القهر اللي اعرفهم مشغولين نفس اليوم ولا قبله بيوم ولا بعده بيوم ولا يقدرون يجون معنا
اذا كذا ولا كذا نجيب "حمدي" مصور في اخر الحاره خخخخخخخخخخ << ما راح تتسطر ابد
ما انحرم منكم جميعا والله يوفقكم يارب ويسعدكم ويسهل اموركم ويوسع صدوركم ويجعل كل يابسه بايدكم خضرا << يمديكم عالدعوة تكفون
شكله محد قاري مشاركتي ذي البته لانه صارت في الصفحة الثانيه لو تقدرون تطمرونها قدام ولا تسون اعلان اكون شاكره لكم
<< ورا ما تتلايطين وتنامين ابرك لتس
طيب يالله تصبحون على خير
<< يا كثر حتسيتس
العرض العادي
