يالله سرينا يوم تمت على خير=يم الحفر واللي سكن في حفرها
حركتها مكسيمتن تظبط السير=يالله دخيلك من صوادف خطرها
بيضاء كما اللولو تغيض المناضير=تترك جميع الخلق تمشي بثرها
يميني البشري زبون المخساير=على الوفاء والطيب نفسه عمرها
ماهو من اللي حسبوا للدنانير=يمناه يمنا الجود محد(ن) حصرها
ناوين منهم للمواقف مظاهير=أهل الكرم والجود مزبن ظهرها
تلقى بمجلسهم دلال ٍ مباهير=وتلقى النفوس اللي يسرك خبرها
لا جيت لفريح السوالف تباشير=نفسه على الظحكه خفوقه حجرها
أبيض وجه مع قلب بيض المغاتير=زلت صحيبه لو تجيله سترها
وإن جيت مع فايز زبون المعاسير=شوق الهنوف اللي تميز قمرها
ماله شبيه إلا عقيد الطوابير=اللي تشرف وقفته لا حظرها
في شوفهم ما نلتفت للمشاوير=لو طالت الخطوه خفوقي قهرها
ومن قبل لأصل برسل أحلا التعابير=غيمة وفاء تنثر عليكم مطرها

يامرحبا باللي لفونا مسايير=عد المطر وعداد صافي مطرها
يامرحبا باللي حضر دون تقصير=شرفتنا في دارنا ياقمرها
يابن الفريدي لك معزه وتقدير=في وسط عيني ساكن في حجرها
يازين طبعك وانت في خوتك غير= طبعك وفا وان زدت فاحت عطرها
ارسل لكم يازين احلى التعابير=صدق المعاني واضحه في خبره
يابن الفريدي نلتقيبك على خير=ويحميك ربي من صوادف خطرها