الليل ياتي عقبه الليل..ثم ليل = ويتوه من هام الضلام وسرابه
والي بلا ربْع ونشاما مشاكيل = عزّيل حاله ياعويل الذّيابه
وان عوّدت لمناهش ذهوبي الحِيِل = انا احمد الله لابتي خير لابه
ربعي هل الطولات..خزّامة العِيِل = ياتاج راسي مسندي ياعصابه
يوم اللقا بمناطح الجيش والخيل = ومهندٍ حَنّا طوارف جرابه
لي لابةٍ ياحدروا..كنّه السيل = شرّه على العايل الى سنّ نابه
يجيك واحدهم من المهد حلحيل = وان كبْرت متونه يزيد السطابه
غلبا..على غلْب العدا مثل ابابيل = من جدْعهم للحَوَل يشبع عقابه
وان برّكت زمل النشاما عن الشيل = مابرّكت شمر توالي ركابه
جيلٍ يروح وجيل ياتي ورا جيل = والعزّ ملبوسٍ تبارق ثيابه
وان قلت حنّا يارزوم المخاييل = ياغطلست قامت تزايد حرابه
ضياغمٍ شربوا طناهم فناجيل = سحابةٍ من مدلهمٍ سحابه
تاريخ منحوتٍ بروس الرجاجيل = مايجهله ياكود خطْو الزلابه
ولا قول حنا راجحين المكاييل = كلٍ فتح في ساحة الصيت بابه
بين القبايل قسّمنّ المعاويل = وكلٍ خذاله معولٍ واشتقابه
ماقلتها من دافع القال والقيل = قلته وانا كبدي تمكّن صوابه
واللي يجينا غادر انكان به حيل = ناتيه ياعبّا محازم زهابه
وانكانه حميّا خذتهم على الميل = حنا خذانا للحميّا طلابه
حقٍ لنا لوهو..يجي فيه تاجيل = لابد مايوم يتجلا ضبابه
هذا وانا ماني على قافي ابْخِيِل = لاشك نفسي بيّحت مالجابه
كلام يبغاله من الراس تحليل = مايفهمه ياكود من ينكوابه
عبدالله بن سالم الضبعان
غلبااااا 
العرض العادي
