السلام عليكم ورحمة الله وبركاته ...
مساء / صباح الخير .. للجميع ,...
هذه متواضعه ... لعلها .. أجمل من الإنقطاع ..
أتمنى أن .. ترتقي لإستحسانكم ..
وادعتها والقلب يكضم على بين=والدمع له بين المحاجر صراعي
خوفي من أرماشتن تربش العين=همن يهل الدمع لحظة وداعي
تمشى. تخطى.تلتفت. يالمحبين=عيت قدمها لاتسوق المساعي
تبكي ودمعه يلتقي بين خدين=وأكتم وعيني للحبيبه تراعي
أقفت وقلبي يرتكي بين سيفين=مسممات(ن) سمهن سم أفاعي
كني رضيعن ضايعن بالبساتين=الليل خيم والونايس سباعي
يبكي يقول أمي تعالي وضمين=يمه أنا خايف وزايد هلاعي
دنق وحط الرأس بين كفين=يحسبه تحميه مثل القناعي
قامن يحوفنه شطار النيابين=لين زاعمهن تلولى الصراعي
هذي حياتي بعد فرقى العزيزين=تكثربه أحزاني ويكثر وجاعي
عزي لمن مثلي بلوه القريبين=يشوف موته وهو له يراعي
كني سفينه أبحرت بالمحيطين=الموج عالي ولابه شراعي
أبحر ومعه أمن تلاها صغيرين=وهو العقيد اللي عليه المساعي
تم الكلام وعايشن بين نارين=نار الفراق ونار حب إطلاعي
أبي أشوفه بين كل الملايين=هذا منى عيني وهذا طماعي
وسلامتكم ..
أخوكم / هلال عزيز الشمري ...
((.. وادعتها ..))..لــ أبو خلود .. 
العرض العادي
