السلام عليكم جميعا ...



اليوم جبت لكم طريقة العرايس بابسط طرقها والشرح بالصور وتستاهلون ياأ حلى بنات
(العرايس) او الحاووشي المصرية اللي تجي مع المشاوي تكون خبز وفيها لحم ومحمره من فوق وطبعا

صورة قريبه وفتحت الخبزة





المقادير:


اما انكم تجيبون خلطة كباب جاهزة من الجزار يكون فيها البصل والبقدونس والبهارات والملح او انكم تسوونها بالبيت وعشان تسوونها بالبيت (انا سويت الخلطة بالبيت)
اللي يجب اللحمه الكباب جاهزة يزيد عليها بالبيت حبة بندورة متوسطه مفرومه ناعم (عشان ما تطلع اللحمه ناشفه لما تنشوى بالفرن)
ربع كيلو لحم مفروم ناعم جدا + باقة بقدونس+ بصلة متوسطة مفرومه ناعم جدا + حبة طماطم متوسطة مفرومه مكعبات صغيرة جدا + ملح + بهاارات مشكله حسب الرغبة+ فلفل اسود+ ملعقتين كبار زيت زيتون(اختياري فلفل احمر بودره للي يحب الحر شوي بس).
يعني تجيبي اللحم مفروم ناعم جدا وياريت تكون اللحمة سمينة وتفرمي كل شي على حده وتخلطينهم بعدين كلهم سوا بيدك زين تخلطينهم باليد.






الطريقة :

تجيبي خبز لبناني سميك شوي مو الرقيق مره في نوعية سميكة شوي مثل الخبز البيتي يكون مدور وسط او المدور الصغير ااذ ما لقيتوا الخبز البيتي السميك في الخبز المدور نفس مال الشاورما والفلافل



تجيبيه وتفتحيه من جهة واحده شوي وتمدي فيه شوية من اللحمه وترصيها داخل الخبزة زين بعدين تقفلينها وترصيها بيدك وتدهني على يدك مسحة زيت زيتون او اي زيت وتدهني الخبزة من الامام والخلف بس لا تمليها زيت بس مسح بيدك على خفيف (انظري للصورة)


وتخلصي الكمية كلها بهالطريقة


ثم تقسميها لاربع اقسام (انظري للصورة)








بعدين تلفي كل خبزة ب (القصدير) وتحكمي عليها الاغلاق وتخلي اللفه المفتوحه من فوق عشان ما ينزل ماء اللحمه لتحت بالفرن

وتدخلينهم بصينية الفرن على الطبقة الوسط وتكوني مشغله الغاز من فوق ومن تحت على حرارة 180 - 200 درجة وبعد 20 دقيقة شيكي على وحده منهم اذا احمرت ولا لأ اذا ما حمرت اتركيها بعد شوي ممكن تاخذ وقت 30 دقيقة على حسب نوعية الفرن ونوعية الخبز.



بعد ما تطلعيهم من الفرن خليهم بالقصدير مسكر عليهم شوي عشان ما ينشفوا الخبز او ييبس وبعدين شيلي عنه القصدير وحطيهم كلهم في صحن وغطيه زين بالقصدير او بحافظه او بكيس نايلون واحكمي الاغلاق عليهن لمدة لا تقل عن خمس دقايق، عشان تطرى الخبزة شوي اذا كانت محمصة والطعم ولا احلى صدقيني مجربة وعن خبرة




واذا كان تريدونه على الفحم ترى نفس المقادير ونفس الطريقة بس بدل ما تليف بورق القصدير لا حطيه بالشبك الخاص واضغطي عليه وحطيه على الفحم وبس

تحياتي للجميع

شكراً على المقادير

هلا وغلا بجارتنا حياك ربي مشكوره ع المرور

دمتم بخير ارجو الرد عند المرور

تسلمين يالغلا

الله لايخلينا منك

ولا يخلينا من مرورك لاهنتي اختي