السلام عليكم ورحمة الله وبركاته
صباح / مساء الخير
مصافحة اولى اتمنى ان تصافح القلوب.
ملاحضة:ـ
حفزني على التسجيل والمشاركة وجود الدكتور الشاعر شايم الهمزاني.
لاواهني من احدودب على حدبك = يامن مداهيل طيفك من ورى حدبي
اسعد ليال العمر يوم اتوحد بك = لاتخلي الحزن يارحت يتوحد بي
ياجللّ الليل عين الشمس واستدبك = ناس شعاف الغرام بدمهم يدبي
ابارد الموت وانت الموت واسعدبك = واشرب خمر مبسمً للموت يارد بي
وابحضنك لين تصعدبي وتصعدبك = نشوة سكر لين تبعدبك وتبعد بي
جيتك سهر وانت حضنك نوم ابرقد بك = وحضني لك افخم من الشيراز وارقد بي
مشاعري من عقيق الحرف تقصد بك = قصايد من هشيم الشوق توقد بي
ثلاثة ارباع زين الكون يوجد بك = وثلاثة ارباع صبر الكون يوجد بي
شف وش يسوي بمن شافك سهم هدبك = اللي ليا سلهمن كنـه يسيّد بي
انا لو ازهد بغال العمر مازهد بك = وكلش ولانك ترخصّ بي وتزهد بي
ربيع قلبي ليامن دجت في جدبك = جغرافيا الجدب تبرق بي وترعد بي
وان جابك الله لاعيد لك واعيد بك = والا انت طيفك ليا مرن يعيّد بي
جيتك ســــــــهر ( مصافحة أولى ) 
العرض العادي
