لكل انسان مدى يستطيع الوصول اليه ولكنه لايقدر ان يتجاوزه
مصافحة اولى اتمنى ان ترتقي الى ذائقتكم
شدي ركابك وارحلي نفسـي لقربـك عايفـة=ماعاد لك عندي سوى ماللورق عند الخريـف
مليـت انـا كثـر التوجـد واعتـلاء النايفـة=ومليت انا كثرة عذابي دام كل الوقـت صيـف
مليت انـا كثـر الامانـي والوعـود الزايفـة=وازريت ادور لك عذر وانتي جمعتي كل زيف
دام الهـوى فـي سكتـك تيبسـت شفايـفـة=واصبح يبللها ندي الجرح واصـداء النزيـف
ومـادام تقطيـر المواصـل والجفـا متكايفـة=وش لي انا بكثر العذاب وفتنة اللبس الرهيـف
اخترت بعدك دام منتي فـي خفوقـي رايفـة=وبلعن خفوقك كلما هب الهـوا او لاح طيـف
لنـك قتلتـي كـل حـب ٍ بالسنيـن الطايفـة=ولنك وأدتي كل مافيني مـن الحـب العفيـف
والله غريبة كيف نفسي فـي وصالـك هايفـة=رغم البساتين الرغيدة حلمها كسرة رغيف..!؟
والاغرب ان القلب منـك ماحسـب حسايفـة=يعني اجرحيه ويتبعك والعاقبة عنـد اللطيـف
اقول...روحـي عـل قلبـك يقتفـي ولايفـة=وانا بروح وعلنـي القـى لصدماتـي وليـف
روحي ... وروحي قبل بعدك مثل مانتي شايفة=ماهمهـا انتـي هنـا ولا تعديـتـي جنـيـف
وراحت
راحت بلا ضيق وكدر
وانا اتحرى هالسراب المنتظر
يمكن تجي .. يمكن تعود وتعتذر
لكن بلا اية أسف ..!
طال الصبر
بدر بن دحيم
شدي ركابك.. مصافحة اولى 
العرض العادي
