مولع بالأطلال سيئ حال يابن ضحوي = يانسل ربعن هذى التاريخ صولاتها
جور المقادير تلوي في يميني لوي = ولا آمن أبداً بعزاها ولا لاتها
أنا الهزيل الجزل وأنا الضعيف القوي = وأنا النفوس الحزينة عقب أمواتها
أنا الحظوظ الردية في حياة بدوي = حتى الفرح مر من قدامه وفاتها
من كثر ماقلت أبلقى يالسنافي خوي = شفت الأخوة تزايد دوم سوئاتها
صوتي من الحزن يدوي فالمنابر دوي = نفسي تكتّم بصمتي عن معاناتها
ياذيب لاواهنيك من شقاك تعوي = وأنا من الونس نفسي منفطر ذاتها
ياذيب تطويني همومي ببعده طوي = ياذيب نفسي تفارق كل شهواتها
من عقب ديجور غرة له بعيني ضوي = دنياي كتمة ووجهه في سمواتها
أخيله الشمس يكويني ببعده كوي = ماهي من الساعة أبداً أو علاماتها
وشلون كنت أرتب وحالي قبل فوضوي = وشلون جدى تموت بها حكاياتها
أبعد عنه وأنزوي وأقرب منه وأنزوي = يديني من الوله ضاقت برعشاتها
ياكثر ماقلت أبمشي بالطريق السوي = بس المحبة تشدك في خرافاتها
قرب ورو بخفوقك حب قوة روي = أنا سيول الغلات وصمت غاباتها
قرب وإحو المودة وأجزل بها الحوي = مودتك سخف وأنت أروع سخافاتها
ياعلي مابيه لكن من شقاي أهتوي = حنجرتي بصمت تنسج كل آهاتها
ياعلي خله لربك ياسليل ضحوي = أنا من الونس نفسي منفطر ذاتها
’’ مـــولــع بــالأطــلال ’’ 
العرض العادي
