ساقت مشاوير الشقاء .. واردف الليل***وسريت .. ودروب السهر سرمديـه
ازريت اسوق الهم .. واحط .. واشيل***وتعبـت اكابـر... والمواجـع نديـه
الحيل مل من التعب .. مابقـى حيـل***والجفن.. مالـه بالسهـر مقدريـه
الـــبـــهــــذلــــه .. والـــمـــهـــزلــــه .. والـــغـــرابــــيــــل
ابطال ... وسنين العمر .. مسرحيـه
والـــــــهــــــــم.. والــــحــــرمــــان .. والــــــحـــــــزن .. والــــــــويــــــــل
ضيوف .. وجروح الوفاء .. شاذليـه
والــــصــــمـــــت .. والــــهــــوجــــاس .. بــــــوح الـتـعـالــيــل
والخوف مسرى.. والليالـي مطيـه
يالله عسـى درب السنـع بالمقابيـل***والا .. الليال اللي مضـت جرهديـه
حر(ن) كفخ .. واستأسرته المحابيـل***وعقب السماء الرحبه هوى للوطيـه
حر(ن) غدرفيه الزمـن والمداخيـل***مقـرود وكفـوف العطايـا رديــه
غلطة عمر منهـا جنيـت البهاذيـل***ذنـوب غيـري حطهـا الله علـيـه
غلطة .. ودحدرها القدر بالمحاصيـل***ورضيت بالمقسوم غصب(ن) عليـه
تناقلتهـا شلـة القـال .. والقـيـل***وحطوا عليها لين صارت .. قضيه !!
وقامت تناهشني رخـوم الرجاجيـل***اهـل الملامـه .. والعلـوم الرديـه
اللـي تجيـك اخبارهـم بالتفاصيـل***ويحرفون الهرج عـن سـوء نيـه
بالله قل لي ياسود الوجـه ... ياليـل***وضح النوايا .. كيف صارت خطيه
قل لي .. من اللي ضلل الحق تضليل***ومن علم الوافي يخـون بخويـه
ومن بروز الاوهام .. خدعه وتمثيـل***ومن طلسم الواقع ؟ وخان الوصيه
من قال لي.. دربك مهود..وتساهيـل***ومن علم الضحكات تمشي عليه
من كفن دموع الوفـاء بالمناديـل***ومن هو جزاء الحسنه بمليون سيـه
اللي قتل حلـم الضلـوع المناحيـل***وقال انقتل فيك العـوض والبقيـه
جاوب سؤالي ياسود الوجـه ياليـل***وضح النوايا .. كيف صارت خطيه
للشـــاعر : عــــــادل الــذيــابــي ،؛،
!!! غلــطــــة عمــــر !!! 
العراب ) 
العرض العادي
