حَكَتْ عين الغرام وسال دمع الحبر بالقرطاس= يسولف عن غيابك يالخفوق اللي تناساني
رحلتي ليه وانتي للجسد روحٍ تفيض انفاس=رحلتي ليه وانتي ربعي وناسي وخلاّني
وحشتيني كثير( وذبت) شوق ال(سودك)( النعّاس)=وانا من كثر شوقي (أسْلَمْ )من الحب شيطاني
ترى من يوم غبتي وانقطع جذر الوصل بالفاس=سرى ليلي عذاب وصاحبي ضيقي وحرماني
تهيجن لك جروحي والشعور المغترب عسّاس=وَلاَ بيّن ربيع وماتت من الجدب قطعاني
(نعم) بَعْدِكْ وحيد(وطبع عيني) ماتشوف الناس=(نَعَمْ)(بَعْدِكْ) غريب وموطني ترسانة احزاني
(نعم) بعدك جريح (تَعْبَثْ) ابـ(فكري) يَدْ الواسواس=وليلٍ فيه همّي يفترش طراحة اشجاني
يِسَرِّيْني لِوَجْهك والدروب الهمّ الهوجاس=وفيها اطرد خيالك والوهم له صوت ناداني
تسافر بي عيونك يوم تسرقني من الجلاّس=وتاخذني بعيد ونجتمع في عالمٍ ثاني
وانا الطفل الفقير اللي رسم وجهك على الكراس=رصيدي صدق حبٍ يجري ابـْ(دمي وشرياني)
فقير المال (لكن ) كُنْت / مُرهف/عاطفي/حَسّاس=ثري جداً بمخزون الشعور وقلبي الحاني
عطيتك من كنوزي دون تحديد وبلامقياس=من البحر الغزيز وقلت ذا درّي ومرجاني
زرعتك من صباي وكنتي النبته وانا الغرّاس= يساقيك الغرام وينهمر لك مزن وجداني
وكُبَرْتي (ياحبيبه) والغصن مافارق النسناس=وِمشت معنا الظروف ونَسْمِتِكْ تستعذب اغصاني
وبِدَتْ وردة جمالك تَزْدِهِرْ ويِغِيْر عقد الماس=بِصَدْرِك لاَ انثنيتي والتقى خِصْرِكْ وذرعاني
وِلاَ مِنّك جَلَسْتي (قُمْت) اوَشْوِش لك بكلمة راس=و اجي مفرط شعور ال(كل)عضوٍ بِكْ تِمنّاني
خدودك /شِفِّتينك/ رمش عينك /قدك الميّاس=أعانقها غرام وأحتضنها بَـ(اعْذَبْ) الحاني
كذا كنت الْمُرَفّه قبل ما اشرب لوعتي بالكاس=قبل (جُرْم) الوداع وقصّة المجني مع الجاني
أقول امحاك يكتبك الشعور بدفتر الإحساس=واقول انساك لكن مايغيب اسمك من ال(ساني)
(تركتي لي غلاك)( وجرح فرقاك) وخيوط الياس=وتركتيني شماته تتضح بعيون عدواني