علامك تردد يـوم مريـت متعـدّي=ودّك توادعنـي وخـايـف ولا ودّك
عطني يمينك يوم مديت لـك يـدّي=ابي يميني تهتني فـي دفـاء يـدّك
واللي بنفسي ياحبيبـي وفـي ودّي=ضمة حنان و قبلتيـنٍ علـى خـدّك
مرارة رحيلك وصلتني علـى حـدّي=عسى الله يصبّر قلب مغليك و يردّك
لاتطوّل الغيبه ترى الجرح متحـدّي=ياللي البنات بزينها ما تجـي قـدّك
خايف تغيب و يصبح الوضع متردّي=ويعلن عذول اهل الهواء شائعة صدّك
وانته تعرف اني حريصٍ على سدّي=لامن تكلّم عاذلـي قلـت لـه حـدّك
لأني هويتك جد و اخلصت من جدّي=ارحل من الدنيا وانـا حافـظٍ سـدّك
ليتك تفضّـل كـل ماجيـت متعـدّي=بألقاء السلام لواحـدٍ مكسبـه ودّك