حمت حاير حول حنْحان الحنون = حين حنّت حار محميّ الحنايا
حينها حنيت وحلّن اللحون = ياحنانٍ راح مع حلو الحلايا
حاملٍ حيرات حوريّ العيون = حارمٍ حالي محلله المنايا
مكتوي واكتم كلامي في سكون= كاتبٍ كلْمات يحكنّه حكايا
هامسٍ همسه وهمسه بالعيون= سلهمة نعّاس سحْرٍ به سهايا
لاخطى ياطى على الطرّف ابهون= ومعْطين طرْبات طرّافه عطايا
طامحٍ طوله عطوفٍ به اطعون= ناحلٍ خصْره كما اطعين الطنايا
عزّله تعْزيل عزّال المزون= العزيز معزّها وزادة مزايا
ناضحٍ ضوحه ضحى مابه ضنون= ضوح برّاقٍ نضيحه في ثنايا
ظالمٍ ضلٍّ ضفى من يضفرون= ضايمه والعنق من ظلمه ضحايا
لارمشت تربش شيوخٍٍ يسجدون= شامخٍ رمشه شرى شبْح النشايا
وخدها خايف ترى رمشه يخون = لاخمر يخدش خدودٍ له خفايا
وخمرتٍ تجري على جمراً بهون = شف من شُف الشفا بين الشفايا
كاملٍ كله كما لا...مايكون = كن بكلمة كُن كانت له مزايا
الله اللي لا ومر كنّ بيكون= كوّنه والكون فتنته الفتايا
فتنتٍ فاتت وخلتني بفتون= يالخلوج الي فتنتي في فنايا