ماتغير شي .. لكن.. صار فاضي هالمكـان ..
يعني ماشفت قلبي طحت من عيني وعينه ..
كان قلبي لك مدينه ولاحظ اني قلت (( كان )) ..
يعني انت الحين واحد (( خارج حدود المدينه )) ..
ليه
مستغرب كلامي وليه انا اعطيك الأمان ..
وليه تكذب في كلامك .. العذر وينك ووينـــه ..
ماألومك كان قلبك ثارت امواجه وخــــــــان ..
الخطا مني لأني صرت في بحرك (( سفينه )) ..
والسؤال اللي كتمته ومانطق فيه اللســــان ..
كيف ايديك اطعنتنــــي .. وانا احسبها أمينه .. جرحي مايرضيه قلبك .. لو يجي كله حنــان ..
لو تبوس الجرح فيني .. ولو تقبلها ايديــــنه ..
يوم أحبك قلت كلمه (( يكرم المرء أو يهان )) ..
وانت قلبي ماأكرمته .. وماقدرت انك تهينـــه ..
عزتي ماهي جديده .. أنا شــــامخه من زمــان ..
اغسل ايدك من رجوعي وروح يا (( ........)) .. طاب خاطر قلبي منك وهذي (( الفرقـى )) رهــان ..
وحتى لو قلبـــي يحبك .. ربي بفراقـــــك يعينـــــه ..
تدري لما قلت أحبك قلت وماعندي ضمــــــــــــــان ..
واختياري كــــــان خاطـــــــئ تجربه بالحيــل شيــنه ..
كنت تخطي وكنت أسامح مره مرتين وثمـــــــــان ..
أدمح الزله عشـــــــانك .. وأكتم أنفاس الغبينه .. كنت أحبك وكنت أعزك والغلا فيني جبـــــــــــــان ..
اخاف تزعل لو ألومك .. ضعت مابينك وبينـــــــه ..
في عيون الناس عادي .. بس في عيني جنــــــان ..
وكان قلبي من يشوفك تفضحه نظرة حنيـــــنــــــــه ..
ماني أول من يحـــــب .. ومنت اخــر شخص خــان ..
المحبه في زمـــــانك .. بحـــــرها من غير مينــــــه .. الفشل كان النتيــــــجه .. وأعتــــــــــــقد آن الأوان ..
أبني مستقبل حياتي .. وأنسى قصتـــــنا الحزيــــــنه ..
وخطوتــــي الأولـى (( غيـابي )) وراح اطبقها عشان ..
يبكــــــي قلبــــــك لافقدني .. والنــــــدم يملى سنينــــه ..
جاي تسأل عن مكــانك .. هو بقى فيني (( مكــــــــان )) ..
الله يرحمــــــها المشـــــــاعر اللي كانت لك رهيـــــنه ..
قلت لك قلبي (( مديـــنه )) فيها لك حشمـــــه وشــــان ..
لكن أنت الحين اغرب شخص في هذي المدينـــــــــــــه ..
(( ..... لـيـه الـ خ ــيـانـة درب كلـن رســمــها ؟ .... )) 
العرض العادي
