كيف نرتقي بالمنتدى إلى الأفضل ؟؟؟؟؟؟؟



*ماهو المنتدى ..!!

المنتدى هو بيتك الثاني وفيه اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ




فكيفك نجعل منتدانا هو الأفضل ؟؟

الحل بسيط



* أولا : (( تشجيع الأعضاء الجدد ))

هذي هي البداية وأنت أكيد تتذكر أول يوم أتيت فيه للمنتدى وكتبت موضوع وكم تمنيت يرد علية الكل ،، وبتشجيعنا للأعضاء الجدد فنحن نحثهم على الإبداع فمنهم سيخرج لنا كتاب رائعين في الأدب والشعر وكتاب متميزين في الصرقعة أو في أي مجالات أخرى
والعضو اللي دايم يكون الأول في الترحيب ،، حبيب وقلبه طيب




* ثانياً : (( قبل أن تكتب أي موضوع في أي قسم معين يجب أن ترد على موضوعين أو ثلاث أو أكثر )) وهذا شيء مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الإبداع أكثر فأكثر وأنت إذا رديت على مواضيعهم الكل بيرد على موضوعك إذا كان يستحق .
والعضو اللي دايم يرد على المواضيع يسمى ،، محبوب الكل ولكن دون أن نهمل المواضيع ونتجه للردود فقط فالمواضيع أهم بالدرجة الأولى.



* ثالثاً : (( تشجيع المواضيع التي يكتبها أصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومة أو انقل من كتاب أو مجلة ما يستحق النشر
والعضو اللي دايم يكتب مواضيعه بنفسه ،، هذا نشيط ومتميز وتكون العين عليه في الترقيات وتولى المهام في المنتدى أكثر من غيره .



*رابعاً : (( الكلمة السحرية ))

وهي أن تكتب كلمة ( شكرا على هذا الموضوع ) كلمات قليلة مراح تتعبك أو تنقص من قدرك أو كبريائك المزيف ،، كثير ما نشوف مواضع عدد قرائها فوق السبعين او الثمانين ومن هولاء فقد يرد على صاحب الموضوع واحد أو ثنين وأكثر الأحيان تجد الموضوع خالي من أي رد ..!!
يعني أنت تبي الكل يرد على موضوعك وأنت ما تكلف على عمرك وتجامل صاحب الموضوع .. اجل وشوله تشارك وتتعب عمرك
ويسمى العضو اللي دايم يشارك ويحث الأعضاء على المشاركة ،، العضو الحبوب



*خامساً : (( محاربة الشليلة ))

وهذا أكبر خطر يهدد أي منتدى وكثير من المنتديات هرب منها أعضائه لهذا السبب ،، و شليلة تصغير شلة وهي أن يتفق الأعضاء ويقولون ( إحنا والله شله ارتحنا لبعض و ما نبغى واحد جديد يدخل بينا ،، والاتفاق هو ترد على موضوعي أرد على موضوعك ) ويروح فيها الضعيف ( العضو الجديد ) ما يعطونه وجه لين يمل وينسحب من المنتدى ،، لا ومن زين الطباع بعدها بفترة يقلبون على بعض ويصير كل واحد يكتب موضوع ولا يرد على الثاني ،، وخلاص انتهاء المنتدى وصار ممل و الاحسن أنه يقفل.



*سادساً : (( التواصل بين الأعضاء ))

التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك ،، وتجي للمنتدى والكل مشتاقين لك ويسألون عنك ،، أكيد بتشقق من الفرحه ومحد قدك )
ويسمى العضو اللي دايم يسأل عن الأعضاء ،، الحريص



*سابعاً : (( التقليل من المواضيع المنقولة ))

بعض المواضيع مهمة ويجب أن تنقل وتنتشر في كل المنتديات ،، لكن مسألة انك تشوف أي موضوع يعجبك وتنقله لا ويمكن يكتب عشر مواضيع في اليوم ( تخصص نسخ ولصق ( هذي شيء يطفش ويجب العمى ( وشوله اشترك في منتدى !! .. عيل أقرأ صحيفة أو مجله أو أتابع الأخبار في التلفزيون احسن)
ويسمى هذ العضو ،،، مخربها هههههههههههه



*ثامناً : (( لا تصير خفيف وثقيل ))

يجيك عضو يكتب كل يوم عشر مواضيع وفي كل قسم يحط له ست مواضيع من زود الفضاوة ،، ويالله يالله نرد على نص مواضيعه ولا نلحق .





*تاسعاً : (( التقليل من المشاكل وحوادث السيارات ))

يعني ثنين مقاريد تهاوشوا وقلبوا المنتدى فوق حدر ونقسم المنتدى إلى حزبين وكل واحد معه عجرا وجايب الفزعة ( يا أخي بينك وبين أي عضو مشكله أو رده ما عجبك أو لك ملاحظة ،، أرسله على الخاص وتفاهم أنت وياه بدون ما يدرون الأعضاء )
ويسمى العضو المشكلجي .



*عاشراً : ((خلك ذرب ))


يجي عضو ويتعب ويكتب موضوع جاد ومهم ويتوقع ان بيرد علية و يناقشه الكل وبعدين يجيك ذك العضو اللي ما يدري وين الله حاطه ويرد رد مثل وجهه ،، الموضوع في شمال وهو يرد بالجنوب ،، ويخرب الموضوع او يقلبه تشات
(المواضيع الجادة والمهمة تحتاج إلى رد جاد وبعكسها المواضيع الساخرة أو المصرقعة يرد عليها برد ساخر أو مهبول )
ويسمى العضو إلي يرد برد في جهة والموضوع في جهة .احول.



* قبل الاخير : لا تصير مراقب او مشرف ..... ما لك مواضيع و ردود .....

اذا كان المشرف او المراقب لا يشجع الاعضاء من خلال الرد على مواضيعهم و لا يشارك بمواضيع تزيد من رقي المنتدى فهو يجهل مهمة المراقب و المشرف .. للأسف نشووف كثير من المنتديات فشلت بعد نجاح كبير و السبب غياب المراقبين و المشرفين .. او يكون المشرف يجهل دوره و محتوى القسم اللي يشرف عليه

و يسمى المراقب او المشرف بهذي الاوصاف ...... الخامل



* وأخيراً *

المنتدى ليس بعدد أعضائه ،، بل بترابط أعضائه كالأسرة الواحدة وكما قال رسول الله عليه أفضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقوله علية افضل الصلاة و السلام ((المؤمن للمؤمن كالبنيان يشد بعضه بعضا ))



تمنياتي للجميع بالتوووفيق

تحياتي