هذي قصيدهـ اعجبتن وقافيته صعبه وياليت يكون هناك موضوع مثبت لقصايد اللي على القوافي الصعبه


مل قلـب هـزه الهـم والهاجـوس هـز
وارتجف عرشه وزلزل وجا فيـه اهتـزاز


عقب ثلثين مـن الليـل فـز القلـب فـز
مثـل فـزة واحـد واطـي كسـرة قـزاز


كن باقصى ضامري ياجماعـه نـار قـز
والضلوع يلوعهـا مثـل ضـو البوتقـاز


وكن فوادي من عراويـه بامـواس يحـز
من همومي والهواجيس في صدري حـزاز


عقب ذا ياراكب اللي علـى الغايـه بـرز
جمس شكمانين تـوه جديـد آخـر طـراز


يعجب السواق لي ما عطـا حـزم الجـرز
وأن تحرك يقـرب البعـد ويشـق الغـراز


من ديار البعـد قلـب العنـا صابـه قلـز
ومن ديار البعد عـز الله ان القلـب جـاز


الغـدا لـي سهـل الله بـدايـات المـلـز
ثم يشيك مـن محطـات موقفـة الحجـاز


وغادر الديره مع العصر يـوم انـه جهـز
وأنتله مرفوع بالوصف كنه أريـل جهـاز


والعشا حول السليل مـع المغـرب نجـز
حايفه غمـر شقـردي وعادتـه النجـاز


ثـم تحـرك والدريـول يلـز الرجـل لـز
طـول ليلـه راح كلـه مساقـط واجتيـاز


والونيـت يشجـع اللـي يحبـون اللـزز
لو يقحص ويل طلع مـن القـاع ارتـواز


كنه السكران لـي غـزه الشيطـان غـز
عقب ما افلا غرشتين وطاب لـه الخنـاز


ينطنخ ويشوش ومن المخاطـر مـا يكـز
شايف بعض العـرب كنّهـم عنـده عفـاز


لا اشرقت شمس الضحى لي الونيت بكل عز
واقف في وسط ديـرة بنـي عـم عـزاز